‘வலிமை’ அஜித் ரசிகர்களுக்காக மட்டுமல்ல: மனம் திறந்த போனிகபூர்

அஜித்தின் ‘வலிமை’ திரைப்படம் அஜித் ரசிகர்களுக்காக மட்டும் அல்ல என்றும் ஒட்டுமொத்தமாக இது ஒரு குடும்ப திரைப்படம் என்றும் குடும்பத்திலுள்ள அனைவருக்கும் பிடிக்கும் வகையில் உருவாக்கப்பட்டு இருப்பதாகவும் போனிகபூர் சமீபத்தில் அளித்த பேட்டியில் கூறியுள்ளார்.

அஜித் நடிப்பில் எச்.வினொத் இயக்கத்தில் போனி கபூர் தயாரிப்பில் உருவாகிவரும் ‘வலிமை’ படம் குறித்து சமீபத்தில் பேட்டியளித்த போனிகபூர் ’நான் இந்த படத்தின் ஒருசில காட்சிகளை பார்த்தேன். இயக்குனர் வினோத் மிகவும் சிறப்பாக இயக்கியுள்ளார். அஜித் மிகவும் ரிஸ்க் எடுத்து ஸ்டண்ட் காட்சிகளில் நடித்துள்ளார். குறிப்பாக பைக் சேஸிங் காட்சிகளில் டூப் இல்லாமல் நடித்துள்ளார்.

இந்த படத்தின் கதையை கேள்விப்பட்டதோடு இந்த படத்தையும் நான் பார்த்தபோது எனக்கு தெரிந்தது, இது அஜீத் ரசிகர்களுக்கான படம் மட்டுமல்ல, இது ஒரு ஃபேமிலி சப்ஜெக்ட். எனவே அஜித் ரசிகர்கள் மட்டுமின்றி அனைத்து தரப்பினருக்கும் இந்த படம் பிடிக்கும் என்று கூறினார்.

மேலும் இந்த படத்தின் ஃபர்ஸ்ட் லுக் போஸ்டர் மே 1ஆம் தேதி அஜித்தின் 50வது பிறந்த நாளன்று வரும் என்றும் அதனைத் தொடர்ந்து டீஸர் டிரெய்லர் என அனைத்தும் அப்டேட்களும் உடனுக்குடன் வரும் என்றும் அவர் தெரிவித்துள்ளார். இதனை அடுத்து ‘வலிமை’ திரைப்படத்தின் அப்டேட்டுக்கள் அடுத்தடுத்து வரும் என்று எதிர்பார்க்கப்படுகிறது.

போனி கபூரின் இந்த பேட்டியால் அஜித் ரசிகர்கள் மட்டுமின்றி அனைத்து தரப்பினர்களும் இந்த படத்தினை எதிர்பார்த்து காத்திருக்கின்றனர். விஸ்வாசம் படம் போல் இதுவும் ஒரு குடும்ப படமாக இருக்கும் என்றும் அதே நேரத்தில் ஹாலிவுட் தரத்தில் ஆக்ஷன் காட்சிகளும் இருக்கும் என்றும் கூறப்படுகிறது.