எங்க மாப்பிள்ளை வேற லெவல்: பிரபல நடிகருக்கு மாமியார் வாழ்த்து!

’எங்கள் மாப்பிள்ளை வேற லெவல்’ என்று பிரபல நடிகர் ஒருவரை அவரது மாமியார் தனது டுவிட்டரில் வாழ்த்து தெரிவித்துள்ளார். இந்த வாழ்த்து வைரலாகி வருகிறது.

தமிழ் திரையுலகின் பிரபல நடிகர்களில் ஒருவர் ஆர்யா. இவர் தற்போது ’சார்ப்பேட்டா’ என்ற திரைப்படத்தில் நடித்து முடித்துள்ளார் என்பதும் இந்த படம் விரைவில் வெளியாக உள்ளது என்பதும் குறிப்பிடத்தக்கது. இந்த படத்தில் நடித்த நடிகர்களின் கேரக்டர் குறித்த போஸ்டர் நேற்று வெளியாகி மிகப்பெரிய அளவில் வைரல் ஆனது என்பது குறிப்பிடத்தக்கது. குறிப்பாக கபிலன் என்ற கேரக்டரில் ஆர்யாவும், வெற்றிச்செல்வன் என்ற கேரக்டரில் கலையரசனும், ரங்கன் வாத்தியார் என்ற கேரக்டரில் பசுபதியும் நடித்து உள்ளதாக அறிவிக்கப்பட்டுள்ளது.

இந்த நிலையில் ’சார்ப்பேட்டா’ படத்தின் போஸ்டர்கள் அதில் பாடிபில்டிங் செய்துள்ள ஆர்யாவின் முயற்சிகள் ஆகியவற்றுக்கு திரையுலகினர் வாழ்த்துக்களும் பாராட்டும் தெரிவித்து வருகின்றனர். அந்த வகையில் ஆர்யா மனைவி சாயிஷாவின் தாயாரான சாஹீன் பானு என்பவர் தனது டுவிட்டர் பக்கத்தில் மருமகன் ஆர்யாவுக்கு பாராட்டு தெரிவித்துள்ளார்.

ஆர்யாவின் விடாமுயற்சி. அர்ப்பணிப்பு உணர்வு. புத்திசாலித்தனம் ஆகியவற்றை பார்த்து தான் மகிழ்ச்சி அடைவதாகவும், எங்களை அவர் பெருமைப்பட வைத்து விட்டதாகவும் வேற லெவலில் அவருடைய உழைப்பு இருப்பதாகவும் புகழ்ந்துள்ளார் இந்த ட்விட்டிற்கு ஆர்யா தனது நன்றியை தெரிவித்துள்ளார்.

மேலும் ஆர்யா விஷாலுடன் நடித்து வரும் ’எனிமி’ படத்தின் படப்பிடிப்பு தற்போது விறுவிறுப்பாக நடைபெற்று வருகிறது என்பதும் இந்த படத்தின் படப்பிடிப்பு இன்னும் ஒரு சில வாரங்களில் முடிவடைய உள்ளது என்பதும் குறிப்பிடத்தக்கது.

Thank you so much Mommy ???????????? https://t.co/9z6TtPllB0

— Arya (@arya_offl) March 28, 2021