சினிமா செய்திகள்
ஆர்யா படத்தையும் விட்டு வைக்காத உதயநிதி!
ரஜினி, கமல், அஜித், விஜய், சூர்யா என அனைத்து முன்னணி நடிகர்களின் படங்களை உதயநிதியின் ரெட் ஜெயன்ட் மூவிஸ் நிறுவனம் தான் வாங்கி ரிலீஸ் செய்து வரும் நிலையில் தற்போது ஆர்யாவின் அடுத்த படத்தையும் ரெட் ஜெயிண்ட் மூவிஸ் ரிலீஸ் செய்ய உள்ளதுஎன்பது குறிப்பிடத்தக்கது
ஆர்யா நடிப்பில் சக்தி சௌந்தர்ராஜன் இயக்கத்தில் உருவாகி வந்த திரைப்படம் கேப்டன். இந்த படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது
இந்த நிலையில் இந்த படத்தின் தமிழக ரிலீஸ் உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் பெற்றுள்ளதாக அதிகாரப்பூர்வமாக அறிவிக்கப்பட்டுள்ளது. இதனை அடுத்து இந்த படம் செப்டம்பர் 8ஆம் தேதி ரிலீசாகும் என அறிவிக்கப்பட்டு உள்ளது
தமிழ் திரை உலகின் முக்கிய பிரபலங்களின் அனைத்து படங்களையும் உதயநிதி ஸ்டாலினே ரிலீஸ் உரிமையை பெற்று வருவது மற்ற விநியோகஸ்தர் மத்தியில் பெரும் அதிர்ச்சியை ஏற்படுத்தியுள்ளது.
ஆர்யாவுடன், சிம்ரன், ஐஸ்வர்யா லட்சுமி, , காவ்யா ஷெட்டி உள்பட பலர் நடித்துள்ள இந்த படத்திற்கு டி இமான் இசையமைத்துள்ளார். மதன் கார்க்கி பாடல்களில், யுவா ஒளிப்பதிவில் பிரதீப் ராகவ் படத்தொகுப்பில் இந்த படம் உருவாகியுள்ளது.