நான் சரக்கடிச்சா உங்களுக்கென்ன – மீடியாவிடம் சீறிய ஆண்ட்ரியா!

நடிகை ஆண்ட்ரியா தைரியமான கதாபாத்திரங்களில் நடித்து பிரபலமானவர். ஆனால், அவருக்கு இதுவரை தமிழ் சினிமாவில் பெரிய அங்கீகாரம் கிடைக்கவில்லை என இயக்குநர் ராம், தரமணி பட வெளியீட்டின் போது தெரிவித்திருந்தார்.

அரைநிர்வாண காட்சிகள் என்றால், இயக்குநர்கள் உடனடியாக ஆண்ட்ரியாவை அணுகுகின்றனர். ஆனால், பெரிய நடிகர்களுக்கு நாயகியாக அவரை தேர்வு செய்வதில்லை என்ற குற்றச்சாட்டும் எழுந்து வருகிறது.

இந்நிலையில், கன்னடம் மற்றும் தமிழ் மொழிகளில் அவர் நடிப்பில் விரைவில் வெளியாகும் மாளிகை படத்தின் ட்ரெய்லர் வெளியீட்டு விழாவுக்கு வந்திருந்த ஆண்ட்ரியாவிடம், பத்திரிகையாளர்கள் சிலர் நெருங்கி கேள்வி கேட்டனர்.

அப்போது, நான் உங்களுக்கு பேட்டிக் கொடுக்கப் போவதில்லை. நான் பேட்டிக் கொடுத்தால், நான் தண்ணி அடிப்பது, புகைப்பிடிப்பது போன்ற கேள்விகளையே கேட்பீர்கள்.. என்னைப் பற்றிப் பத்திரிகைகளில் படுமோசமாக எழுதுகிறீர்கள் எனக் கூறிவிட்டு அங்கிருந்து கிளம்பி சென்றுள்ளார்.