சினிமா செய்திகள்
அஜித்துக்காக காத்திருக்கும் பாலிவுட் சினிமா; ஓகே சொல்வாரா அஜித்!
மறைந்த நடிகை ஸ்ரீதேவியின் கணவர் போனி கபூர் தமிழில் அஜித்தை வைத்து நேர்கொண்ட பார்வை படத்தை தயாரித்து வருகிறார்.
படத்தின் ரஷ்களை பார்த்த அவர், தனக்கு படத்தின் மீது மிகப்பெரிய நம்பிக்கை வந்துள்ளது என்றார். மேலும், அஜித்தின் வசன உச்சரிப்பு மற்றும் நடிப்பு மெய்சிலிர்க்க வைத்ததாகவும் தெரிவித்தார்.
மேலும், அஜித்துக்காக மூன்று பாலிவுட் சினிமா கதைகள் ரெடியாக இருப்பதாகவும், இதில், ஒன்றையாவது அஜித் ஓகே சொல்வார் என்ற நம்பிக்கை தனக்கு இருப்பதாகவும் போனி கபூர் கூறினார்.
ஷாருக்கானின் சாம்ராட் அசோகா படத்தில் அஜித் நடித்திருந்த நிலையில், மீண்டும் பாலிவுட்டுக்கு தல செல்வாரா? என்ற கேள்வி ரசிகர்கள் மத்தியில் எழுந்துள்ளது.
