சினிமா செய்திகள்
எனது சிறுவயது கனவு நிறைவேறியது: ஷங்கர் மகள் அதிதி ஷங்கரின் பரபரப்பு டுவிட்!
எனது சிறுவயது கனவு தற்போது தான் நிறைவேறி உள்ளதாக ஷங்கரின் மகள் அதிதி ஷங்கர் தனது டுவிட்டர் பக்கத்தில் பதிவு செய்துள்ளார்.
இயக்குனர் ஷங்கரின் மகள் அதிதி ஷங்கர் சமீபத்தில் நடிகையாக மாறினார் என்பதும் கார்த்தி ஜோடியாக அவர் நடித்து முடித்துள்ள ‘விருமன்’ என்ற திரைப்படம் விரைவில் வெளியாக உள்ளது என்பது குறிப்பிடத்தக்கது.
இந்த நிலையில் நடிகையை அடுத்து அவர் தற்போது பாடகியாகவும் மாறியுள்ளார். தெலுங்கில் உருவாகி வரும் திரைப்படம் ஒன்றில் பாடல் ஒன்று பாடியதாகவும் இந்த பாடலை பாட எனக்கு வாய்ப்பளித்த இசையமைப்பாளர் தமன் அவர்களுக்கு தனது நன்றி என்றும் அதிதி ஷங்கர் தனது ட்விட்டர் பக்கத்தில் தெரிவித்துள்ளார்.
மேலும் சிறு வயதில் இருந்தே பாடகி ஆக வேண்டும் என்பதுதான் தனது கனவு என்றும் அந்த கனவு தற்போது நனவாகியுள்ளது தனக்கு மிகுந்த மகிழ்ச்சி என்றும் அவர் குறிப்பிட்டுள்ளார்.
தமிழ் திரை உலகில் அறிமுகம் நடிகராக ஷங்கரின் ‘பாய்ஸ் திரைப்படத்தில் அறிமுகமான தமன், தற்போது ஷங்கரின் மகளுக்கு பாடுவதற்கு வாய்ப்பு அளித்து உள்ளார் என்பது குறிப்பிடத்தக்கது.
MY SINGING DEBUT✨????????
Waited so long to share this with you all. Another dream come true. @MusicThaman sir Thank you so much for trusting me and giving me this opportunity. Hope you guys like it♥️????????#ghani #romeojuliet #singingdebut pic.twitter.com/JOboB9VaMM— Aditi Shankar (@AditiShankarofl) February 6, 2022
