அப்பா எனக்கு கால்ஷுட் கொடுங்க!.. மகளின் ஆசையை நிறைவேற்றுவாரா ரஜினி?….

திரைத்துரையில் பல நடிகர்கள் இருந்தாலும், ரஜினி அடுத்து யாருடன் இயக்கத்தில் நடிக்கப்போகிறார்?. அது என்ன மாதிரியான கதை? என்கிற ஆர்வம் சினிமா ரசிகர்களுக்கும், சினிமா விமர்சகர்களுக்கும் இருக்கிறது. அவர் நடிக்கும் ஒவ்வொரு படமும் முடியும் போதும் , அடுத்து அவர் நடிக்கும் படம் பற்றிய செய்திகள் உலா வர துவங்கி விடும்.

ஏனெனில், தமிழ் சினிமாவின் உச்ச நடிகராக இருப்பவர் நடிகர் ரஜினி. பல வருடங்களாவே சூப்பர்ஸ்டார் இருக்கையில் அமர்ந்திருப்பவர். 100 கோடி சம்பளம் பெறும் நடிகர். தற்போது சன் பிக்சர்ஸ் தயாரிப்பில் சிவா இயக்கும் அண்ணாத்த திரைப்படத்தில் நடித்து வருகிறார். இப்படத்திற்கு பின் ‘கண்ணும் கண்ணும் கொள்ளையடித்தால்’ திரைப்பட இயக்குனர் தேசிங் பெரியசாமி இயக்கும் புதிய படத்தில் அவர் நடிக்கவுள்ளதாக செய்திகள் வெளியாகி வருகிறது.

இந்நிலையில், ரஜினியை வைத்து ஒரு படம் இயக்க அவரின் மகள் சௌந்தர்யா ஆசைப்படுகிறாராம். ஏற்கனவே, ரஜினியை வைத்து ‘கோச்சடையான்’ என்கிற அனிமேஷன் படத்தை அவர் இயக்கியிருந்தார். ஆனால், அது வெற்றியை பெறவில்லை. எனவே, ரஜினியை வைத்து ஒரு கமர்ஷியல் மசாலா திரைப்படத்தை அவர் இயக்கி வெற்றி பெற வேண்டும் என அவர் ஆசைப்படுகிறாராம். இதற்காக தனது தந்தை ரஜினியிடம் தொடர்ந்து கால்ஷீட் கேட்டு வருகிறாராம்.

மகளுக்கு ரஜினி கால்ஷீட் கொடுப்பாரா என்பதை பொறுத்திருந்துதான் பார்க்க வேண்டும்.