விக்ரமுக்கு ஜோடியாகும் வாணி போஜன்; ‘சியான்60’-யின் அடுத்த அப்டேட்!

நடிகர் விக்ரம் மற்றும் அவரது மகனும் நடிகருமான துருவ் ஆகியோர் இணைந்து அடுத்ததாக ஓர் திரைப்படத்தில் நடிக்க உள்ளனர். இன்னும் பெயர் வைக்கப்படாத இந்தப் படத்தை ‘சியான் 60’ என அழைக்கின்றனர்.

கார்த்திக் சுப்பராஜ் இயக்கும் இந்தப் படத்திற்கு சந்தோஷ் நாராயணன் இசையமைக்கிறார். இந்தப் படத்திற்கு முன்னதாக அனிருத் இசையமைப்பதாக ஒப்பந்தம் செய்யப்பட்டிருந்தது. பின்னர் எழுந்த சில சிக்கல்கள் காரணமாக அவர் விலகினார். அதைத் தொடர்ந்து தான் சந்தோஷ் நாராயணனைப் படக்குழு வளைத்துள்ளது.

@vanibhojanoffl joins the gang #Chiyaan60 ????

Welcome to the team ???? pic.twitter.com/DEG82znLir

— karthik subbaraj (@karthiksubbaraj) March 13, 2021

துருவுக்கு ‘ஆதித்ய வர்மா’ திரைப்படம் நினைத்த அளவுக்கு கை கொடுக்கவில்லை. விக்ரமுக்கும் கடந்த சில ஆண்டுகளாக, தான் நடித்த எந்தப் படமும் மெகா ஹிட் அந்தஸ்தைப் பெறவில்லை. இந்நிலையில் கார்த்திக் சுப்பராஜ், இருவருக்குமான இந்தப் போக்கை மாற்றிக் காண்பிப்பார் என்று எதிர்பார்க்கப்படுகிறது.

தொடர்ந்து வெற்றிப் படங்களை கொடுத்து வரும் இயக்குநராக கார்த்திக் சுப்பராஜ் உருவெடுத்திருப்பது, ‘சியான் 60’ மீதான எதிர்பார்ப்பை அதிகரித்துள்ளது.

இந்நிலையில் இந்தப் படத்தில் நடிக்க, ‘சின்னத்திரை நயன்தாரா’ என்றழைக்கப்படும் வாணி போஜன் ஒப்பந்தம் செய்யப்பட்டுள்ளார் என்று அதிகாரப்பூர்வமாக அறிவிக்கப்பட்டுள்ளது. இது குறித்தான அறிவிப்பை படத்தின் இயக்குநர் கார்த்திக் சுப்பராஜ் வெளியிட்டுள்ளார்.