’ஹார்ட் அட்டாக்… ஆப்பரேஷனுக்கு காசு இல்லை…’- உதவி கோரும் ‘திருப்பாச்சி’ பெஞ்சமின்!

திருப்பாச்சி படப் புகழ் நடிகர் பெஞ்சமின் திடீர் நெஞ்சுவலியால் பாதிக்கப்பட்டு மருத்துவமனையில் அனுமதிக்கப்பட்டுள்ளார்.

நடிகர் விஜய் நடிப்பில் வெளியாகி சூப்பர்ஹிட் அடித்தத் திரைப்படம் ‘திருப்பாச்சி’. இந்தத் திரைப்படத்தில் விஜய்யின் நண்பராக நடித்திருப்பார் பெஞ்சமின். பல தமிழ் திரைப்படங்களில் நகைச்சுவை கதாபாத்திரங்களிலும் நடித்துள்ளார்.

நேற்று பெஞ்சமினுக்கு திடீர் நெஞ்சு வலி ஏற்பட்டுள்ளது. மேல் சிகிச்சைக்காக பெங்களூருவில் உள்ள மருத்துவமனையில் அனுமதிக்கப்பட்டுள்ளார். ஆனால், சிகிச்சைக்குப் பணம் இன்றி அவதிப்படும் நடிகர் பெஞ்சமின் திரை நண்பர்கள், ரசிகர்கள் யாரேணும் மருத்துவ உதவியாக பண அனுப்பினால் மிகவும் உபயோகமாக இருக்கும் என கோரிக்கையுடன் வீடியோ ஒன்றையும் வெளியிட்டுள்ளார்.

நடிகர் பெஞ்சமின் நடிகர் சங்க உறுப்பினராக மட்டுமல்லாது சின்னத்திரை டப்பிங் யூனியன் உறுப்பினராகவும் உள்ளார் என்பது குறிப்பிடத்தக்கது. பெஞ்சமின் தனது குடும்பத்தார் உடன் சேலத்தில் வசித்து வந்தார்.