8வது ஊதியக்குழு 2026: ஓய்வூதிய நன்மைகள் குறையும்? நிதியமைச்சர் வெளியிட்ட உறுதியான விளக்கம்!

8வது ஊதியக்குழு தொடர்பாக கடந்த சில வாரங்களாக மத்திய அரசு ஊழியர்களிடையே ஒரு பெரிய கேள்வி எழுந்தது – 2026க்கு முன் ஓய்வு பெற்றவர்களுக்கு புதிய ஊதியக் குழுவின் நன்மைகள் கிடைக்குமா? இந்த சந்தேகத்திற்கு தற்போது நிதியமைச்சர் நிர்மலா சீதாராமன் தெளிவான பதிலை வழங்கியுள்ளார்.

மத்திய அமைச்சரவை ஏற்கனவே 8வது ஊதியக் குழு அமைப்புக்கு ஒப்புதல் அளித்துள்ளது. இது ஜனவரி 1, 2026 முதல் அமலுக்கு வரும் என எதிர்பார்க்கப்படுகிறது. ஆனால், சில ஊழியர்கள், இந்த தேதிக்கு முன் ஓய்வு பெறுபவர்கள் முக்கிய சலுகைகளை இழப்பார்கள் என்ற தகவலால் கவலையில் இருந்தனர்.

இந்த பிம்பத்தை நிதியமைச்சர் கடந்த மாதம் மாநிலங்களவையில் நிதி மசோதா விவாதத்தின் போது மறுத்தார். 2025 நிதி மசோதாவின் ஒரு பகுதியாக சிவில் ஓய்வூதிய விதிகளில் சிறிய திருத்தங்கள் செய்யப்பட்டன. ஆனால், இது தற்போதைய கொள்கைகளை சீரமைப்பதற்காக மட்டுமே செய்யப்பட்டது என்றும், எந்த வகையிலும் சலுகைகள் குறையவோ, மாற்றமாவோ இல்லை எனவும் அவர் உறுதி செய்தார்.

நிர்மலா சீதாராமன் மேலும் கூறுகையில், 2016 க்கு முன்பும் பின்பும் ஓய்வு பெற்ற அனைத்து அரசு ஊழியர்களுக்கும் சமதரிசனம் செய்யப்பட்டதாகக் கூறினார். 7வது ஊதியக்குழுவின் அடிப்படையில் இதை செயல்படுத்தியதாகவும், அதே போல் 8வது ஊதியக்குழுவும் அனைவருக்குமான நியாயமான ஊதிய மாற்றங்களை கொண்டுவரும் என தெரிவித்தார்.

8வது ஊதியக்குழு, ஒரு தலைவர் மற்றும் குறைந்தது 2 உறுப்பினர்களுடன் விரைவில் அமைக்கப்படும். சம்பளங்கள், ஓய்வூதியங்கள், அலவன்ஸ் மற்றும் ஃபிட்மென்ட் ஃபாக்டர் தொடர்பான பரிந்துரைகளை தரவேண்டும்.

மொத்தமாக, ஒரு கோடிக்கும் மேற்பட்ட மத்திய அரசு ஊழியர்களும், ஓய்வூதியதாரர்களும், புதிய ஊதிய அமைப்புக்காக ஆவலாக காத்திருக்கிறார்கள். தற்போதைய மாற்றங்கள் அவர்களது நலனில் பாதிப்பை ஏற்படுத்தாது என மத்திய அரசு உறுதியாக விளக்கம் அளித்துள்ளது.