குஷியான செய்தி மத்திய அரசு ஊழியர்களுக்கு – டிஏ நிலுவைத் தொகை ஏப்ரலில்! எப்போது, எவ்வளவு? முழு விபரம் இங்கே

மத்திய அரசு ஊழியர்கள் மற்றும் ஓய்வூதியதாரர்களுக்கு மகிழ்ச்சியான தகவல் வெளியாகியுள்ளது. 2025 ஜனவரி, பிப்ரவரி மற்றும் மார்ச் மாதங்களுக்கான அகவிலைப்படி (DA) மற்றும் அகவிலை நிவாரணம் (DR) நிலுவைத் தொகை விரைவில் வழங்கப்பட உள்ளது.

மத்திய அரசு சமீபத்தில் DA மற்றும் DR விகிதத்தை 53% லிருந்து 55% ஆக உயர்த்தியுள்ளது. இந்த 2% அதிகரிப்பு, கடந்த 7 ஆண்டுகளில் மிகக் குறைவான உயர்வாகும். இது 2025 ஜனவரி 1 முதல் அமலுக்கு வந்துள்ளதால், அதற்கான 3 மாத நிலுவைத் தொகை ஏப்ரல் மாத சம்பளத்துடன் வழங்கப்படும்.

இதில் சுமார் 48.6 லட்சம் மத்திய அரசு ஊழியர்கள் மற்றும் 66.5 லட்சம் ஓய்வூதியதாரர்கள் பயன்பெற உள்ளனர். இந்த உயர்வால் அரசு மீதான வருடாந்திர நிதிச்சுமை ரூ.6,614 கோடியாக இருக்கும்.

DA Arrears கணக்கீடு:

• ரூ.18,000 அடிப்படை சம்பளம் உள்ள ஊழியர்களுக்கு:
  மாதத்திற்கு ரூ.360 கூடுதலாகவும், 3 மாதத்திற்கு ரூ.1,080 ஆகவும் கிடைக்கும்.

• ரூ.9,000 அடிப்படை ஓய்வூதியம் பெறும் ஓய்வூதியதாரர்களுக்கு:
  மாதத்திற்கு ரூ.180 கூடுதலாகவும், 3 மாதத்திற்கு ரூ.540 ஆகவும் வழங்கப்படும்.

இந்த தொகைகள் ஏப்ரல் மாத சம்பளத்துடன் சேர்க்கப்பட்டு செலுத்தப்படும்.

DA உயர்வு – அடுத்த கட்டம் எப்போது?

DA வருடத்திற்கு இரு முறை – ஜனவரி மற்றும் ஜூலை மாதங்களில் உயர்த்தப்படுகிறது. அடுத்த DA உயர்வு ஜூலை-டிசம்பர் 2025 காலத்திற்கு இருக்கும். இது அக்டோபர் அல்லது நவம்பர் 2025 இல் அறிவிக்கப்படும் என எதிர்பார்க்கப்படுகிறது.

2% ஏற்றம் ஏன் குறைவாக உள்ளது?

2024 டிசம்பர் மாத AICPI (அகில இந்திய நுகர்வோர் விலை குறியீடு) மதிப்பெண் 143.7 ஆக இருந்ததால், DA கணக்கீடு 55.98% ஐ எட்டியது. ஆனால் தசம புள்ளிகள் வட்டமாக்கப்படுவதால், அரசு விதிமுறைகளின் அடிப்படையில் அது 55% ஆகவே நிர்ணயிக்கப்பட்டது.

8வது சம்பளக் குழுவால் மாற்றங்கள்?

மத்திய அரசு விரைவில் 8வது சம்பளக் குழுவை செயல்படுத்த இருக்கிறது. அதில், DA அடிப்படையை மாற்றுவது, புதிய அடிப்படை ஆண்டை அறிவிப்பது போன்ற மாற்றங்கள் இருக்கும் என கூறப்படுகிறது. இதனால் DA மீண்டும் பூஜ்ஜியம் (0%) என தொடங்கலாம்.