8வது ஊதியக்குழு: மத்திய அரசு ஊழியர்களுக்கு ஜாக்பாட்! டேக் ஹோம் பே எவ்வளவு உயரும்?

மத்திய அரசு ஊழியர்களும் ஓய்வூதியதாரர்களும் ஆவலுடன் எதிர்பார்த்திருந்த 8வது ஊதியக்குழு (8th Pay Commission) குறித்த முக்கிய தகவல்கள் வெளியாகியுள்ளன. 2016ஆம் ஆண்டில் நடைமுறைக்கு வந்த 7வது ஊதியக்குழு 2025 டிசம்பரில் முடிவடைகிறது. இதனைத் தொடர்ந்து புதிய சம்பள கட்டமைப்பை வகுக்க 8வது ஊதியக்குழு ஜனவரி 2025ல் மத்திய அமைச்சரவை ஒப்புதல் அளித்தது.

இது ஜனவரி 1, 2026 முதல் அமலுக்கு வரும் என்று எதிர்பார்க்கப்பட்டாலும், சிறிய தாமதம் ஏற்படக்கூடும் என கூறப்படுகிறது. இந்த குழுவின் முக்கிய நோக்கம் அதிகரித்து வரும் வாழ்க்கைச் செலவுகள் மற்றும் பொருளாதார மாற்றங்களுக்கேற்ப சம்பளம், கொடுப்பனவுகள், ஓய்வூதியம் ஆகியவற்றை சீர்திருத்துவதாகும்.

மொத்தத்தில் 48.62 லட்சம் மத்திய அரசு ஊழியர்கள் மற்றும் 67.85 லட்சம் ஓய்வூதியதாரர்கள் இந்த சீர்திருத்தங்களால் நேரடியாகப் பயனடைய உள்ளனர். இதனால் அவர்களின் நிதி நிலை குறிப்பிடத்தக்க அளவில் மேம்படும் என நிபுணர்கள் தெரிவிக்கின்றனர்.

💰 ஃபிட்மெண்ட் ஃபாக்டர் மற்றும் சம்பள உயர்வு

8வது ஊதியக்குழுவில் ஃபிட்மெண்ட் ஃபாக்டர் (Fitment Factor) 1.92 முதல் 2.86 வரை இருக்கும் என எதிர்பார்க்கப்படுகிறது. எடுத்துக்காட்டாக 2.28 என நிர்ணயிக்கப்பட்டால், தற்போதைய அடிப்படை ஊதியம் ரூ.18,000 இருந்து ரூ.41,000 ஆக உயரும். இது சுமார் 34% சம்பள உயர்வை குறிக்கிறது.

அதேபோல், அகவிலைப்படி (DA) 2026 தொடக்கத்தில் 65% முதல் 70% வரை இருக்கும் என கணிக்கப்படுகிறது. இது அடிப்படை சம்பளத்துடன் இணைக்கப்படும் போது, மொத்த ஊதியம் மேலும் உயரும். அதனுடன் வீட்டு வாடகை கொடுப்பனவு (HRA) மற்றும் பயண கொடுப்பனவு (TA) ஆகியனவும் உயர்வடையும்.

💵 டேக் ஹோம் பே (Take Home Pay)

அனைத்து கொடுப்பனவுகளையும் சேர்த்து, பொருந்தக்கூடிய விலக்குகளைக் கழித்தபின், ஊழியர்களுக்கு கிடைக்கும் டேக் ஹோம் பே சுமார் 34% அதிகரிக்கும் என நிபுணர்கள் கூறுகின்றனர். இது மத்திய அரசு ஊழியர்களுக்கு ஒரு பெரிய நிதி முன்னேற்றமாகும்.

ஓய்வூதியதாரர்களுக்கு நன்மை

ஓய்வூதியதாரர்களுக்கான குறைந்தபட்ச ஓய்வூதியம் ரூ.9,000 இருந்து ரூ.20,500 வரை உயரும் வாய்ப்பு உள்ளது. இதனால் அவர்களது வாழ்க்கைத் தரம் பெரிதும் மேம்படும்.