சிம்ம ராசிக்கு சுக்கிரன் பெயர்ச்சி செப்டம்பர் 2025 – இந்த 3 ராசிக்காரர்களுக்கு செல்வ வளமும் முன்னேற்றமும் குவியும்!

வேத ஜோதிடப்படி அசுரர்களின் குருவாக கருதப்படும் சுக்கிரன், அழகு, ஆடம்பரம், காதல், செல்வம், செழிப்பு ஆகியவற்றின் காரகராக இருக்கிறார். இவர் ரிஷபம் மற்றும் துலாம் ராசிகளின் அதிபதியாகவும், 27 நாட்களுக்கு ஒருமுறை ராசியை மாற்றுபவராகவும் விளங்குகிறார்.

சுக்கிரன் ஒரு ராசியிலிருந்து மற்றொரு ராசிக்கு பெயர்ச்சியாவதன் மூலம் நிதி நிலை, காதல் வாழ்க்கை, தொழில், அழகு உள்ளிட்ட பல அம்சங்களில் தாக்கத்தை ஏற்படுத்துவார். தற்போது கடக ராசியில் பயணித்து வரும் சுக்கிரன், வரும் செப்டம்பர் 15, 2025 அன்று சிம்ம ராசிக்குள் நுழையவுள்ளார்.

சூரியனின் ராசியான சிம்மத்திற்கு சுக்கிரன் செல்லுவதால், பல ராசிக்காரர்களின் வாழ்க்கையில் மாற்றங்கள் உண்டாகும். குறிப்பாக மூன்று ராசிக்காரர்களுக்கு இந்த பெயர்ச்சி மிகுந்த செழிப்பு, பதவி உயர்வு, நிதி வளம் மற்றும் புதிய சொத்து வாய்ப்புகளை தரவிருக்கிறது.

துலாம் ராசி

சுக்கிரன் துலாம் ராசியின் 11-ஆவது வீட்டிற்கு செல்கிறார். இதனால் வருமானத்தில் நல்ல முன்னேற்றம் ஏற்படும். புதிய வருமான ஆதாரங்கள் உருவாகும். முதலீடுகளில் இருந்து லாபம் கிடைக்கும். வணிகத்தில் புதிய ஒப்பந்தங்கள் கிடைத்து நிதி பலன் அதிகரிக்கும். குழந்தைகள் தொடர்பான நல்ல செய்திகள் வரும். குடும்பத்தில் இருந்த பிரச்சனைகள் குறையும். தொழில் ரீதியாக வளர்ச்சி உண்டாகும்.

ரிஷப ராசி

சுக்கிரன் ரிஷப ராசியின் 4-ஆவது வீட்டிற்கு பெயர்ச்சி செய்கிறார். இதனால் புதிய வீடு, வாகனம் வாங்கும் வாய்ப்பு கிடைக்கும். வேலை தேடுவோருக்கு புதிய வேலை கிடைக்கும். தன்னம்பிக்கை உயரும். பணியிடத்தில் உங்களின் திறமை அனைவரையும் கவரும். குடும்பத்திலும், வாழ்க்கைத் துணையுடனும் மகிழ்ச்சி நிலவும்.

விருச்சிக ராசி

சுக்கிரன் விருச்சிக ராசியின் 10-ஆவது வீட்டிற்கு செல்கிறார். இதனால் வேலை மற்றும் வணிகத்தில் முன்னேற்றம் ஏற்படும். அலுவலகத்தில் மதிப்பு, மரியாதை அதிகரிக்கும். புதிய பொறுப்புகள் வழங்கப்படும். புதிதாக தொடங்கும் வேலைகள் வெற்றிகரமாக இருக்கும். கலை மற்றும் படைப்புத் துறையில் இருப்பவர்களுக்கு புகழ் கிடைக்கும். வாழ்க்கைத் துணையுடனான உறவு இனிமையுடன் அமையும்.