சினிமா
Ajith – Shalini: உன்னோடு வாழாத வாழ்வு என்ன வாழ்வு…வைரலாகும் அஜித்- ஷாலினி வீடியோ!
தமிழ் திரையுலகில் பிரபலமான ஜோடிகளில் ஷாலினி- அஜித் ஜோடியும் ஒன்று. அமர்க்களம் படத்தில் நடித்த போது இருவருக்கும் இடையே காதல் மலர்ந்து, பெற்றோர் சம்மதத்துடன் திருமணம் செய்து கொண்டனர். திருமணத்திற்கு பிறகு நடிப்பை நிறுத்தி விட்டார் ஷாலினி. பிரியாத வரம் திரைப்படம் தான் அவரது நடிப்பில் வெளியான கடைசி திரைப்படம். அஜித் – ஷாலினி தம்பதியருக்கு அனுஷ்கா என்ற மகளும் ஆத்விக் என்ற மகனும் உள்ளனர். அஜித் – ஷாலினி தம்பதி சமீபத்தில் தங்களது 22 ஆவது திருமண நாளை கொண்டாடினார்கள். அதுதொடர்பான புகைப்படங்களும் சமூக வலைதளங்களில் வைரலானது.
உன்னோடு வாழாத வாழ்வு என்ன வாழ்வு???? #AjithKumar ❤ #traveler #Scotland #Travel pic.twitter.com/R9qonYW5hv
— Shalini AjithKumar (@ShaliniAjithK) February 16, 2023
இந்நிலையில் தனது ட்விட்டர் பக்கத்தில், அஜித்துடன் எடுத்த வீடியோ ஒன்றைப் பகிர்ந்துள்ளார் ஷாலினி. அவர்கள் இருவரும் இணைந்து நடித்த அமர்க்களம் படத்தில் இடம்பெற்ற உன்னோடு வாழாத வாழ்வு என்ன வாழ்வு என்ற பாடலை கேட்டுக்குக் கொண்டே, அஜித் கார் ஓட்டுவது போல வீடியோவில் இருந்தது. 22 விநாடிகள் ஓடக்கூடிய அந்த வீடியோவில், மலைகளுக்கு நடுவே காரை ஓட்டும் அஜித்குமார், வெள்ளை நிற சட்டையணிந்து இருக்கிறார். இந்த வீடியோ தற்போது இணையத்தில் வைரலாகி வருகிறது.
அண்மையில் அஜித் நடிப்பில் பொங்கலுக்கு வெளியான படம் துணிவு. நேர்கொண்ட பார்வை, வலிமை படங்களுக்கு பின் தயாரிப்பாளர் போனி கபூர்- இயக்குநர் ஹெச்.வினோத் – நடிகர் அஜித் ஆகியோர் மூன்றாவது முறை கூட்டணியில் உருவான படம் “துணிவு. வாரிசுக்கு போட்டியாக பொங்கல் ஸ்பெஷலாக ஜனவரி 11 வெளியானது. இந்த படத்தில் ஹீரோயினாக மஞ்சு வாரியர் நடித்துள்ளார். ஜான் கொக்கைன், சமுத்திரகனி, ஜி.எம்.சுந்தர், பகவதி பெருமாள், வீரா, அஜய் உள்ளிட்ட பலரும் முக்கிய வேடத்தில் நடித்துள்ளனர். துணிவு இதுவரை உலகளவில் ரூ.300 கோடிக்கு மேல் வசூல் செய்து உலக அளவில் ரசிகர்களை கவர்ந்துள்ளது என்பது குறிப்பிடத்தக்கது.
