சர்ச்சைக்கு முற்றுப்புள்ளி: ‘பறந்து போ’வில் யுவனின் குரல்!

பிரபல இயக்குனர் ராம் தனது அடுத்த படமான’பறந்து போ’ என்ற திரைப்படத்தை இயக்கியுள்ளார

இதில், நடிகர் மிர்ச்சி சிவா முக்கிய கதாபாத்திரத்தில் நடித்துள்ளார். மேலும், அஞ்சலி, மலையாள நடிகை கிரேஸ் ஆண்டனி, அஜு வர்கீஸ் உள்ளிட்டவர்கள் நடித்துள்ளனர்.

இப்படத்திற்கு யுவன் ஷங்கர் ராஜா பின்னணி இசை மட்டும் அமைத்துள்ளார். இதற்கு முன்னதாக ராமின் அனைத்து படத்திற்கும் யுவன் இசையமைத்திருந்தார் என்பது குறிப்பிடத்தக்கது.

யுவனுக்கும் இயக்குனர் ராமிற்கும் பிரச்சனை இருப்பதால்தான் பாடல்களுக்கு இசையமைக்கவில்லை அதனால்தான் சந்தோஷ் தயாநிதி என்பவர் பாடல்களுக்கு இசையமைத்துள்ளார் என வதந்திகள் உலாவியது. இந்நிலையில் இப்படத்தின் அடுத்த பாடலான ‘கஷ்டம் வந்தா’ என்ற பாடலை யுவன் பாடியுள்ளார். இந்த பாடல் வரும் ஜூன் 24 ஆம் தேதி வெளியாக இருக்கிறது. இதைத்தொடர்ந்து ‘பறந்து போ’ படம் வருகிற ஜூலை மாதம் 4-ம் தேதி வெளியாகிறது.

இதற்கு முன்னதாக இப்படத்தின் முதல் பாடலான sunflower மற்றும் 2வதாக ‘டேடி ரொம்ப பாவம்’ பாடல்கள் வெளியாகி ரசிகர்கள் மத்தியில் நல்ல வரவேற்பை பெற்றுள்ளது.