சினிமா
நரகாசுரன் எப்போது வருவார்?
துருவங்கள் 16’ படத்தின் மூலம் தமிழ் மக்களுக்கு அறிமுகமானவர், இயக்குனர் கார்த்திக் நரேன். அந்த படம் விறுவிறுப்பான கதைக்களத்தினாலே மக்களிடம் நல்ல வரவேற்பைப் பெற்றது.
‘இருட்டு அறையில் முரட்டுக் குத்து’ மற்றும் ‘பிக்பாஸ் 2’ புகழ் யாஷிகா ஆனந்த் நடிக்க, மேலும் பல புதுமுகங்களுடன் அப்படம் வெளியாகி வெற்றி பெற்றது.
தற்போது அவரது இரண்டாம் படமாக ‘ நரகாசூரன்’ வெளியாகவுள்ளது.
இப்படத்தை கவுதம் மேனன் தயாரிக்கிறார். இதில் அரவிந்த் சுவாமி, ஷ்ரேயா சரண், சுந்தீப் கிஷன், ஆத்மியா என ஒரு நட்சத்திரப் பட்டாளமே நடித்துள்ளது
இப்படத்தின் ஃபர்ஸ்ட் லுக் போஸ்டரும், டீஸரும் சில மாதங்களுக்கு முன் வெளியாயின. தற்போது படக்குழு மேலும் சில புகைப்படங்களை வெளியிட்டுள்ளது. இப்படம் இவ்வருடத்தில் வெளியிடப்படும் எனப் பெரிதும் எதிர்பார்க்கப்படுகிறது.
