இயக்குனர் லோகேஷ் கனகராஜூக்கு கொரோனா: மருத்துவமனையில் அனுமதி!

தளபதி விஜய் நடித்த ‘மாஸ்டர்’ திரைப்படத்தின் இயக்குனர் லோகேஷ் கனகராஜ்க்கு கொரோனா என்ற தகவல் விஜய் மற்றும் லோகேஷ் கனகராஜ் ரசிகர்களுக்கு அதிர்ச்சியை ஏற்படுத்தியுள்ளது.

சற்றுமுன் தனது டுவிட்டர் பக்கத்தில் வெளியிட்டுள்ள அறிவிப்பு ஒன்றில் தனக்கு கொரோனா பாசிட்டிவ் ஏற்பட்டுள்ளதாகவும் இதனையடுத்து தனியார் மருத்துவமனையில் அனுமதித்து சிகிச்சை பெற்று வருவதாகவும் அங்கு மருத்துவர்கள் தன்னை நன்றாக கவனித்துக் கொள்வதாகவும் குறிப்பிட்டுள்ளார். மேலும் விரைவில் குணமாகி வீடு திரும்பினேன் என்றும் அவர் நம்பிக்கை தெரிவித்துள்ளார்.

மாஸ்டர் படத்தை அடுத்து கமல்ஹாசன் நடிக்க உள்ள விக்ரம் படத்தை இயக்க உள்ள லோகேஷ் கனகராஜ் அந்த படத்திற்கான பணிகளில் இருந்த நிலையில்தான் தற்போது கொரோனா வைரஸால் பாதிக்கப்பட்டு உள்ளார். இருப்பினும் அவர் விரைவில் குணமாகி வீடு திரும்புவார் என திரையுலகினர் அவருக்கு வாழ்த்துக்களை தெரிவித்து வருகின்றனர்.

???? pic.twitter.com/hSUFnNO3GB

— Lokesh Kanagaraj (@Dir_Lokesh) March 29, 2021