ரயில் டிக்கெட் தொலைந்துவிட்டல் முதலில் என்ன செய்ய வேண்டும் தெரியுமா?

ரயில் பயணம் பலருக்கும் இன்றியமையாதது. ஆனால், பயணத்தின்போது டிக்கெட் தொலைந்துவிட்டால் என்ன செய்வது என்ற கவலை பலருக்கும் இருக்கும். தொலைந்து போன டிக்கெட்டுகளுக்கான ரயில்வே விதிகள் மற்றும் முன்பதிவு (ரிசர்வேஷன்), பொது வகுப்பு (அன்-ரிசர்வேஷன்) டிக்கெட்டுகளின் முக்கிய வேறுபாடுகள் குறித்து இந்த கட்டுரையில் பார்ப்போம்.

டிக்கெட் தொலைந்துவிட்டால் என்ன செய்ய வேண்டும்?

உங்கள் ரயில் டிக்கெட் தொலைந்துவிட்டால், நீங்கள் வைத்திருக்கும் டிக்கெட் வகையைப் பொறுத்து நடவடிக்கை எடுக்க வேண்டும்.

முன்பதிவு செய்யப்பட்ட டிக்கெட்:

• உங்கள் முன்பதிவு செய்யப்பட்ட டிக்கெட் தொலைந்துவிட்டால், உடனடியாக ரயில்வே அதிகாரிகளை அணுகுவது முக்கியம்.
• சார்ட் தயாரிப்பதற்கு முன்: ரயில் புறப்படுவதற்கு முன், நீங்கள் முன்பதிவு செய்த ரயில் நிலையத்தையோ அல்லது அருகிலுள்ள பயணிகள் முன்பதிவு முறை (PRS) கவுண்டரையோ அணுகலாம். அங்கு, உங்களுடைய சரியான அடையாளச் சான்றை (டிக்கெட் வாங்கும்போது கொடுத்தது) காண்பிப்பதன் மூலம் குறைந்த கட்டணம் செலுத்தி நகல் டிக்கெட் பெற்றுக்கொள்ள முடியும்.
• சார்ட் தயாரித்த பிறகு: ஒருவேளை ரயில் புறப்பட்டு, சார்ட் தயாரிக்கப்பட்ட பிறகு உங்கள் டிக்கெட் தொலைந்துவிட்டால், நீங்கள் பயண கட்டணத்தில் 50% வரை அபராதம் செலுத்தி TTE (பயண டிக்கெட் பரிசோதகர்) மூலம் நகல் டிக்கெட் பெற்றுக்கொள்ளலாம். இதற்கும் உங்களுடைய அடையாளச் சான்று அவசியம்.
• இ-டிக்கெட் இருந்தால்: உங்களிடம் ஆன்லைன் டிக்கெட் (இ-டிக்கெட்) இருந்தால், கவலைப்படத் தேவையில்லை. உங்கள் மொபைலில் உள்ள டிக்கெட்டை அல்லது பதிவிறக்கம் செய்த நகலை TTE-யிடம் காட்டலாம். அது ஏற்றுக்கொள்ளப்படும்.

பொது வகுப்பு டிக்கெட்:

• பொது வகுப்பு டிக்கெட் தொலைந்துவிட்டால், பொதுவாக நகல் டிக்கெட் வழங்கப்படுவதில்லை.
• தொலைந்து போன டிக்கெட்டுக்கான பணத்தையும் திரும்பப் பெற முடியாது.
• அசல் டிக்கெட் இல்லாமல் பயணித்தால், நீங்கள் டிக்கெட் இல்லாத பயணியாகக் கருதப்பட்டு அபராதம் விதிக்கப்படலாம்.
• ஒருவேளை உங்கள் பொது வகுப்பு டிக்கெட் கிழிந்து, அதில் உள்ள விவரங்களை அடையாளம் காண முடிந்தால், ரயில் புறப்படுவதற்கு மூன்று மணி நேரத்திற்கு முன்பு நிலைய மேலாளரிடம் காண்பித்தால் பணத்தைத் திரும்பப் பெற வாய்ப்பு உள்ளது. ஆனால், இதற்கும் குறிப்பிட்ட எழுத்தர் கட்டணம் வசூலிக்கப்படும்.

முன்பதிவு மற்றும் பொது வகுப்பு டிக்கெட்டுகளின் முக்கிய வேறுபாடுகள்: