இந்தியா
கே.எல்.ராகுல் – அதியா ஷெட்டி திருமணம்.. கோடிக்கணக்கில் குவிந்த பரிசுகள்
இந்திய கிரிக்கெட் அணியின் பிரபல வீரர் கேஎல் ராகுல், நடிகை அதியா ஷெட்டியை கடந்த சில நாட்களுக்கு முன் திருமணம் செய்து கொண்ட நிலையில் இந்த தம்பதிக்கு வந்த பரிசுகளின் மதிப்பு மட்டும் கோடிக்கணக்கில் இருப்பதாக தகவல்கள் வெளியாகி உள்ளன.
இந்திய கிரிக்கெட் அணியின் விக்கெட் கீப்பர் மற்றும் பேட்ஸ்மேன் கேஎல் ராகுல் தனது நீண்ட நாள் காதலியான அதியா ஷெட்டியை மகாராஷ்டிராவில் உள்ள பண்ணை வீடு ஒன்றில் திருமணம் செய்து கொண்டார். இருவரும் நீண்ட நாட்கள் ஆக காதலித்து வந்த நிலையில் இரு தரப்பு பெற்றோர்களும் திருமணத்திற்கு சமாதித்து உள்ளதை அடுத்து இந்த திருமணம் மிகவும் பிரமாண்டமாக நடந்துள்ளது. மணமகள் அதியா ஷெட்டி பிரபல பாலிவுட் நடிகர் சுனில் பட்டியல் மகள் என்பதும் அவர் சல்மான் கான் உள்பட பல முன்னணி நடிகர்களுடன் நடித்துள்ளார் என்பது குறிப்பிடத்தக்கது.
இந்த நிலையில் கேஎல் ராகுல் மற்றும் அதியா ஷெட்டி ஆகியோர் தங்களது சமூக வலைதளங்களில் திருமணம் குறித்த புகைப்படங்களை பதிவு செய்திருக்கும் நிலையில் இந்த புகைப்படங்கள் வைரல் ஆகி வருகின்றன. மேலும் திருமண வரவேற்பு மற்றும் தேனிலவு ஆகியவற்றை இருவரும் ஒத்திவைத்துள்ளதாகவும், கேஎல் ராகுலுக்கு தொடர்ச்சியாக கிரிக்கெட் போட்டிகள் இருப்பதாலும், அதியா ஷெட்டிக்கு படப்பிடிப்பு இருப்பதாலும் இந்த முடிவு எடுத்ததாக கூறப்படுகிறது. அனேகமாக ஐபிஎல் போட்டிகள் முடிந்த பிறகு திருமண வரவேற்பு, தேனிலவு நடக்கும் என்று எதிர்பார்க்கப்படுகிறது.
இந்த நிலையில் கேஎல் ராகுல் – அதியா ஷெட்டி ஜோடிக்கு வந்த திருமண பரிசுகள் மட்டும் கோடி கணக்கில் இருப்பதாக தகவல்கள் வெளியாகி உள்ளன. அதியா செட்டியின் பெற்றோர்களான சுனில் செட்டி மற்றும் மனா ஷெட்டி தம்பதிகள் ஒரு ஆடம்பர பங்களாவை திருமண பரிசாக வழங்கி இருப்பதாகவும் மும்பையில் உள்ள இந்த அடுக்குமாடி குடியிருப்பு வீடு மட்டும் ரூ.20 கோடி பெறும் என்றும் கூறப்படுகிறது.
விராட் கோலி மற்றும் அனுஷ்கா சர்மா ஆகிய இருவரும் சேர்ந்து புதுமண தம்பதிகளுக்கு 2.17 கோடிக்கு பிஎம்டபிள்யூ கார் பரிசளித்து உள்ளனர். முன்னாள் இந்திய கேப்டன் எம்எஸ் தோனி 80 லட்சம் ரூபாய் மதிப்புள்ள கவாஸாகி பைக் வாங்கி கொடுத்துள்ளார் என்பது குறிப்பிடத்தக்கது.
பிரபல பாலிவுட் நடந்த சல்மான்கான் புதுமண தம்பதிகளுக்கு 1.6 கோடி மதிப்புள்ள ஆடி கார் வாங்கி கொடுத்துள்ளதாகவும், ஜாக்கி ஷெராப் 30 லட்சம் ரூபாய் மதிப்புள்ள வாட்ச் வாங்கி கொடுத்ததாகவும் அர்ஜுன் கபூர் ஒன்றரை கோடி மதிப்புள்ள வைர வளையல்கள் வாங்கி கொடுத்ததாக கூறப்படுகிறது.
கேஎல் ராகுல் -அதியா ஷெட்டி தம்பதிக்கு வந்த திருமண பரிசு மட்டும் சுமார் 30 முதல் 40 கோடி ரூபாய் வரை பெரும் என்றும் கூறப்படுகிறது.
