பிக்பாஸ் நிகழ்ச்சி மீது மக்களுக்கு இருந்த ஆர்வம் குறைந்துவிட்டதா.. என்ன சொல்கிறார் கமல்?

பிக்பாஸ் சீசன் 1 மக்களிடம் பெற்ற வரவேற்பினை சீசன் 2 பெறவில்லை என்று மக்கள் கூறி வரும் நிலையில் சனிக்கிழமை கமல் கூறியுள்ளது அதனை உறுதி செய்துள்ளது.

சென்ற ஆண்டு நடைபெற்ற பிக்பாஸ் நிகழ்ச்சியைக் கோடிக்கணக்கானோர் பார்த்தது மட்டும் இல்லாமல் தங்களது வாக்குகளைப் போட்டியாளர்களுக்கு அளித்து வந்தனர். ஆனால் பிக்பாஸ் சீசன் 2-ஐ கோடி கணக்கான பார்வையாளர்கள் கண்டு கழித்தாலும் வாக்குகளை அளிப்பதில்லை என்று கமல் கூறியுள்ளார்.

கமலின் இந்தக் கருத்தினைப் பார்க்கும் போது உண்மையிலேயே மக்கள் பிக்பாஸ் நிகழ்ச்சியைப் பார்க்கிறார்களா என்ற சந்தேகமும் எழுந்துள்ளது.

தமிழின் டாப் 5 சேனல்களில் இரண்டாம் இடத்தினை ஸ்டார் விஜய் பிடித்துள்ளது. ஆனால் டாப் 5 நிகழ்ச்சிகளில் சன் டிவி மற்றும் ஜீ தமிழ் நிகழ்ச்சிகள் மட்டுமே உள்ளன. பிக் பாஸ் நிகழ்ச்சி டாப் 5-ல் இல்லை என்பதும் குறிப்பிடத்தக்கது.

சென்ற ஆண்டும் இதே நிலை தான் என்றாலும் வாக்குகள் குறைந்து இருப்பதாகக் கமல் கூறுவது கவனிக்க வேண்டியதாக உள்ளது. இது பற்றிய உங்கள் கருத்து என்ன என்பதை இங்குக் கீழே பதிவிடவும்.