’99 சாங்ஸ்’ வெற்றி பெற்றால் ஹாலிவுட்டிலும் படம் தயாரிப்பேன்: ஏ.ஆர். ரஹ்மான்

இசையமைப்பாளர் ஏஆர் ரஹ்மான் அவர்கள் தயாரித்து, இசையமைத்து கதை எழுதிய ’99 சாங்ஸ்’ என்ற திரைப்படம் இன்று உலகம் முழுவதும் வெளியாகிறது. தமிழ், தெலுங்கு, இந்தி, ஆங்கிலம் உள்பட பல மொழிகளில் வெளியாகியுள்ள இந்த படத்திற்கு பாசிட்டிவ் விமர்சனங்கள் கிடைத்து வருகின்றன.

நேற்று சென்னை சத்யம் திரைஅரங்கில் பிரபலங்களுக்கான சிறப்பு காட்சி ஒன்று திரையிடப்பட்டது. இந்த காட்சியை சிம்பு, கீர்த்தி சுரேஷ் உள்ளிட்ட பல பிரபலங்கள் பார்த்து தங்களது கருத்துக்களை தெரிவித்துள்ளனர். பெரும்பாலான நட்சத்திரங்கள் இந்த படத்திற்கு பாசிட்டிவ் விமர்சனங்களை தந்தார்கள் என்பது குறிப்பிடத்தக்கது.

இந்த கண்காட்சியின் போது பேசிய ஏஆர் ரஹ்மான் அவர்கள் ’இசை குறித்த கதை என்பதால் இந்த படத்தை நான் தேர்ந்தெடுத்தேன் என்றும், இந்த படத்திற்கு நல்ல வரவேற்பு கிடைத்து வெற்றி பெற்றால் கண்டிப்பாக ஹாலிவுட்டிலும் திரைப்படம் தயாரிப்பேன் என்றும் அவர் கூறினார்.

இதனையடுத்து அவருக்கு திரையுலக பிரபலங்கள் பலர் வாழ்த்து தெரிவித்து வருகின்றனர். இசை குறித்த கதையம்சமான இந்த படத்தில் புதுமுகம் எஹான் என்பவர் நடித்துள்ளார் என்பதும் இந்த படத்தின் புரமோஷன் கடந்த சில நாட்களாக விறுவிறுப்பாக நடைபெற்றது என்பது குறிப்பிடத்தக்கது.