உலகம்
நாளை முதல் வானில் 2 நிலவுகள் தெரியும்!
நாளை முதல் வானில் 2 நிலவுகள்!
செப்டம்பர் 29 ஆம் தேதி முதல் வானில் 2 நிலவுகள் தெரியும் என விஞ்ஞானிகள் தெரிவித்துள்ளனர். இதற்கு காரணமாக, ‘2024 PT5’ என அழைக்கப்படும் ஒரு சிறிய விண்கல் பூமியின் அருகே சுமார் 14 லட்சம் கிலோமீட்டர் தூரத்தில் வரவுள்ளது. இதன் விட்டம் சுமார் 5 முதல் 20 மீட்டர் ஆகும்.
மினி நிலவு:
இந்த விண்கல்லின் மேல் சூரிய ஒளி விழும்போது, அது பூமி நோக்கி பிரதிபலிப்பதால், நமக்கு வானில் இன்னொரு நிலவு போன்ற தோற்றம் ஏற்படும். இருப்பினும், இந்த மினி நிலவு, நிலவை விட சுமார் 1,73,700 மடங்கு சிறியது என்பதால், நிலவுக்குப் போல ஜொலிக்காது.
நீங்கள் இந்த மினி நிலவை வெறும் கண்ணால் காண முடியாது. ஆனால், தொலைநோக்கி மூலம் பார்க்கும் போது, ஒரு பெரிய நிலவுடன், இந்த சிறிய மினி நிலவும் அழகாக காட்சியளிக்கும். இந்த காட்சி நவம்பர் 25 வரை கண்கொள்ளாகத் தெரியும்.
2024 PT5 மினி நிலவின் பயணம்:
அமெரிக்க விஞ்ஞானிகள் தெரிவித்த தகவலின்படி, 2024 PT5 என அழைக்கப்படும் இந்த விண்கல் புவியின் ஈர்ப்பு விசையில் சிக்கி சில நாட்கள் சுற்றுவட்ட பாதையில் இருக்க, பின்னர் புவியின் ஈர்ப்பு விசையிலிருந்து விலகி அதன் வழக்கமான பாதையில் திரும்பும். இது நமது கிரகத்தை எந்தவிதத்திலும் பாதிக்காது என்று அவர்கள் உறுதியாக கூறியுள்ளனர்.
மினி நிலவின் வரலாறு:
இந்த மாதிரியான மினி நிலவுகள் ஏற்கனவே 1981 மற்றும் 2022 ஆண்டுகளில் தோன்றியுள்ளன. 2022 ஆம் ஆண்டில் தோன்றிய விண்கல் ‘NX 1’ என பெயரிடப்பட்டது. இந்த மினி நிலவு மீண்டும் 2055 ஆம் ஆண்டு பூமியின் சுற்றுப்பாதைக்கு திரும்பும் என்று வானியல் விஞ்ஞானிகள் கணித்துள்ளனர்.
