உலகம்
முதன்முதலில் டேட்டிங் சென்ற பெண்ணிடம் இதையா கேட்பார்கள்? எலான் மஸ்க்கை கலாய்க்கும் நெட்டிசன்கள்!
உலகின் முன்னணி தொழிலதிபரான எலான் மஸ்க் முதன்முதலாக தனது காதலியிடம் கேட்ட கேள்வி குறித்து அவர் தனது ட்விட்டர் பக்கத்தில் பதிவு செய்துள்ள நிலையில் டேட்டிங் செல்லும் காதலியிடம் யாராவது இதைப் பற்றி கேட்பார்களா? என நெட்ட்சன்கள் கேலியும் கிண்டலும் செய்து வருகின்றனர்.
உலகின் முன்னணி பணக்காரர்களில் ஒருவரும் டெஸ்லா நிறுவனத்தின் தலைவருமான எலான் மஸ்க் கல்லூரியில் படிக்கும்போது முதன்முதலாக ஒரு பெண்ணுடன் டேட்டிங் செய்ததாகவும் அப்போது அந்த பெண்ணிடம் தான் கேட்ட முதல் கேள்வி நீ எப்போதாவது எலக்ட்ரிக் கார்களை பற்றி யோசித்திருக்கிறாயா என்று கேட்டதாகவும் அவர் தெரிவித்துள்ளார். அதாவது கல்லூரி காலத்திலேயே தனக்கு எலக்ட்ரிக் கார் குறித்த கனவு இருந்தது என்றும் அதை தனது காதலியிடம் பகிர்ந்து கொண்டதாகவும் அவர் தெரிவித்துள்ளார்.
During his college, Elon Musk went on a date & the first question he asked the girl was "Do you ever think about Electric Cars?" ???????? @elonmusk pic.twitter.com/Co0ohTk47t
— DogeDesigner (@cb_doge) January 8, 2023
இது குறித்த வீடியோவையும் அவர் வெளியிட்டுள்ள நிலையில் நெட்டிசன்கள் இந்த வீடியோவுக்கு கேலியும் கிண்டலும் செய்து வருகின்றனர். முதல் முதலாக டேட்டிங் செல்லும் பெண்ணிடம் யாராவது தொழிலை பற்றி கேட்பார்களா என கமெண்ட்ஸ் கலை பதிவு செய்து வருகின்றனர்.
இதுகுறித்து மேலும் கூறியபோது, ‘நாங்கள் முதன்முறையாக டேட்டிங் சென்றபோது மின்சார கார்களைப் பற்றி மட்டுமே பேசினோம். அது ஒரு வெற்றிகரமான உரையாடல் இல்லாமல் இருக்கலாம், ஆனால் பல ஆண்டுகளுக்குப் பிறகு மீண்டும் அந்த பெண்ணை நான் சந்தித்தபோது, அந்தப் பெண் தன்னிடம் கேட்ட முதல் கேள்வி என்ன என்பதை எனக்கு நினைவூட்டினார் என்று எலான் தனது மலரும் நினைவுகளை கூறினார்.
