வணிகம்
உலகின் டாப் 10 கோடீஸ்வரர்கள் பட்டியலில் அதிரடி மாற்றம் – வாரன் பஃபெட் வெளியேறினார், மைக்கேல் டெல் இடம்பிடித்தார்!
உலகின் பணக்காரர்கள் பட்டியலில் பெரிய மாற்றம் ஏற்பட்டுள்ளது. பல ஆண்டுகளாக டாப் 10 பட்டியலில் இடம்பிடித்திருந்த 94 வயதான பெர்க்ஷயர் ஹாத்வே தலைவர் வாரன் பஃபெட் தற்போது 11வது இடத்திற்கு தள்ளப்பட்டுள்ளார்.
ப்ளூம்பெர்க் பில்லியனர்ஸ் இன்டெக்ஸ் தகவலின்படி, வாரன் பஃபெட்டின் நிகர சொத்து மதிப்பு தற்போது 140 பில்லியன் அமெரிக்க டாலர்கள். கடந்த மாதம் அவரது நிறுவன பங்கு விலை சரிந்ததால், அவரின் சொத்து மதிப்பும் குறைந்தது.
இந்த இடத்தை டெல் டெக்னாலஜிஸ் நிறுவனத்தின் CEO மைக்கேல் டெல் பிடித்துள்ளார். அவரது நிகர சொத்து மதிப்பு 141 பில்லியன் டாலராக உயர்ந்து, டாப் 10 பட்டியலில் 10வது இடத்தை பிடித்துள்ளார். 2025 ஆம் ஆண்டில் அதிக வருமானம் ஈட்டியவர்களில் இவரும் ஒருவர்.
வாரன் பஃபெட்டுக்கு முன், மைக்ரோசாப்ட் இணை நிறுவனர் பில் கேட்ஸ் கூட டாப் 10 பட்டியலில் இருந்து வெளியேறியிருந்தார். தற்போது அவரது நிகர சொத்து மதிப்பு 123 பில்லியன் டாலர்கள் ஆகும். 2025 ஆம் ஆண்டில் அவர் 35.7 பில்லியன் டாலர்கள் இழந்துள்ளார்.
தற்போதைய உலகின் டாப் 10 கோடீஸ்வரர்கள் (2025):
எலான் மஸ்க் – $371 பில்லியன்
லாரி எலிசன் – $302 பில்லியன்
மார்க் ஜுக்கர்பர்க் – $270 பில்லியன்
ஜெஃப் பெசோஸ் – $244 பில்லியன்
லாரி பேஜ் – $180 பில்லியன்
ஸ்டீவ் பால்மர் – $179 பில்லியன்
செர்ஜி பிரின் – $168 பில்லியன்
ஜென்சன் ஹுவாங் (NVIDIA) – $159 பில்லியன்
பெர்னார்ட் ஆர்னால்ட் – $153 பில்லியன்
மைக்கேல் டெல் – $141 பில்லியன்
