சசிகலாவை அதிமுகவில் சேர்க்க முயற்சிக்கும் பிரபலம்: இவரிடம் ஈபிஎஸ் ‘நோ’ சொல்லவே முடியாதாமே!

அதிமுகவில் மீண்டும் இணைய வேண்டுமென சசிகலா எடுத்து வரும் பல்வேறு முயற்சிகளுக்கு முட்டுக்கட்டை ஏற்பட்டது தான் வருகிறது என்பதும், குறிப்பாக எடப்பாடி பழனிசாமி உறுதியாக சசிகலாவை அதிமுகவில் சேர்க்க முடியாது என்று கூறியதால் பெரும் பரபரப்பு ஏற்பட்டு உள்ளது என்பது குறிப்பிடத்தக்கது.

ஆனால் அதே நேரத்தில் ஓபிஎஸ் உள்ளிட்ட ஒரு சிலர் சசிகலாவை அதிமுகவில் சேர்ப்பதற்கு ஓகே சொல்லிவிட்டதாக கூறப்படுகிறது. இதனிடையில் எடப்பாடி பழனிச்சாமியை சமாதானப்படுத்த சசிகலாவின் சகோதரர் திவாகரன் முயற்சித்து வருவதாக கூறப்படுகிறது.

சசிகலா மற்றும் தினகரன் மீது எடப்பாடி பழனிச்சாமிக்கு அதிருப்தி அதிகமிருந்தாலும் திவாகரன் மீது ஆரம்பத்திலிருந்தே நட்புடன் இருந்து வருகிறார். அதிமுக ஆட்சி காலத்திலேயே திவாகரன் அதிமுகவின் நண்பராகத்தான் இருந்தார் என்பது குறிப்பிடத்தக்கது.

இந்த நிலையில் சமீபத்தில் தஞ்சையில் திவாகரன் மற்றும் சசிகலா சந்திப்பு நடந்ததாகவும் அப்போது சசிகலாவை அதிமுகவில் சேர்க்க முயற்சிப்பதாகவும் இதனை அடுத்து அவர் எடப்பாடி பழனிச்சாமி உடன் இது குறித்து பேச முயற்சி செய்து வருவதாகவும் கூறப்படுகிறது .

சசிகலாவை அதிமுகவில் சேர்க்க வேண்டும் என திவாகரன் கோரிக்கை வைத்தால் எடப்பாடிபழனிசாமியால் மறுக்க முடியாது என்று கூறப்படுவதால் அதிமுக வட்டாரத்தில் பெரும் பரபரப்பு ஏற்பட்டுள்ளது.