செயற்கை இனிப்புகள் உடலுக்கு விஷம்: இதய நோயிலிருந்து புற்றுநோய் வரை விளையும் அபாயங்கள்!

இதயநோயிலிருந்து புற்றுநோய்வரை – செயற்கை இனிப்புகள் உடலுக்கு பதற்றம் தரும் உண்மை!

இன்றைய நாளில் ஆரோக்கிய உணவுக்கான விழிப்புணர்வு அதிகரித்தாலும், உணவில் சர்க்கரையை தவிர்ப்பதற்காக செயற்கை இனிப்புகளை தேர்வு செய்பவர்கள் எண்ணிக்கையாக உயர்ந்து வருகின்றனர். கலோரி இல்லாத இனிப்புகள் எந்தவித பாதிப்பும் இல்லாதது போல் தோன்றினாலும், உண்மையில் அவை உடலுக்கு மோசமான பக்கவிளைவுகளை ஏற்படுத்துகின்றன.

1. எடை குறைக்கும் என நம்பிய போதிலும்…
பலர் செயற்கை இனிப்புகள் எடையை குறைக்கும் என நம்புகிறார்கள். ஆனால் அவை பசியை அதிகரித்து, இனிப்புகள் சாப்பிடும் ஆசையை தூண்டும். இது எதிர்பார்த்ததற்குப் புறம்பாக உடல் எடையை அதிகரிக்கச் செய்யும்.

2. நீரிழிவு நோயாளிகளுக்கு மோசமான விளைவு
நீரிழிவு நோயாளிகள் சர்க்கரைக்கு மாற்றாக செயற்கை இனிப்புகளை பயன்படுத்தினாலும், நீண்ட காலத்தில் அவை இன்சுலின் எதிர்வினையை பாதித்து, இரத்த சர்க்கரையை கட்டுப்படுத்த முடியாத நிலையை உருவாக்கலாம்.

3. குடல் ஆரோக்கியம் பாதிப்பு
இந்த இனிப்புகள் குடலில் உள்ள நலமான பாக்டீரியாக்களை அழித்து, செரிமான பிரச்சனைகள், வயிற்று வலி, வாயு மற்றும் மலச்சிக்கலை ஏற்படுத்தும்.

4. இதய நோய்களின் அபாயம்
செயற்கை இனிப்புகள் இரத்த அழுத்தம் மற்றும் கொழுப்பின் அளவை அதிகரிக்கும். இதனால் மாரடைப்பு, பக்கவாதம் போன்ற ஆபத்துகள் உருவாகும்.

5. மனநலத்திலும் பாதிப்பு
அதிக அளவில் செயற்கை இனிப்புகளை உட்கொள்வது மனச்சோர்வு, பதட்டம் மற்றும் எரிச்சல் போன்ற மனஅழுத்தங்களுக்கு வழிவகுக்கும் என்று சில ஆய்வுகள் கூறுகின்றன.

6. புற்றுநோய் அபாயம்
பல மருத்துவ ஆய்வுகள், செயற்கை இனிப்புகளை நீண்ட காலமாகப் பயன்படுத்துவது சில வகையான புற்றுநோய்களை ஏற்படுத்தும் வாய்ப்பை அதிகரிக்கிறது என சுட்டிக்காட்டுகின்றன.

குறிப்பாக நீண்ட காலத்திற்கு, கட்டுப்பாடின்றி செயற்கை இனிப்புகளைச் சாப்பிடுவது, ஆரோக்கியத்துக்கு பேராபத்தை உருவாக்கும். இயற்கையான இனிப்புகளுக்கு மாறுவது ஒரு பாதுகாப்பான தேர்வாக இருக்கலாம்.