துப்பாக்கி சுடும் போட்டியில் 7 பதக்கங்களை வென்ற அஜித்: தேசிய அளவிலான போட்டிக்கும் தேர்வு!

சென்னையில் நடைபெற்ற மாநில அளவிலான 46வது துப்பாக்கி சுடும் போட்டியில் அஜித் தங்கம் வென்றார் என்ற செய்தியை ஏற்கனவே பார்த்தோம். இந்த நிலையில் அவர் மொத்தம் 7 பதக்கங்களை வென்று உள்ள தகவல் தற்போது வெளிவந்துள்ளது. மாநில அளவிலான 46வது துப்பாக்கி சுடும் போட்டியில் அதிக 3 தங்கம், 4 சில்வர் பதக்கங்கள் அவருக்கு கிடைத்துள்ளது என்பது குறிப்பிடத்தக்கது.

கடந்த சில நாட்களாக சென்னை ரைபிள் கிளப் சார்பில் 46வது துப்பாக்கி சுடும் போட்டி ஆவடியில் உள்ள காவல் தமிழ்நாடு சிறப்பு காவல்படையில் தொடங்கியது. இந்த போட்டியில் கலந்து கொள்ள தமிழகம் முழுவதிலும் இருந்து சுமார் 780 பேர் வந்திருந்தனர்.

இந்த போட்டியில் அஜித்துக்கு 3 தங்கம் மற்றும் 4 வெள்ளிப் பதக்கங்கள் கிடைத்துள்ளது. 25 மீட்டர் போட்டியில் மூன்று தங்கம், 10 மீட்டர் போட்டியில் இரண்டு வெள்ளியும் 15 மீட்டர் போட்டியில் இரண்டு வெள்ளியும் என மொத்தம் 7 பதக்கங்களை அஜித் அள்ளி உள்ளார் என்பது குறிப்பிடத்தக்கது.

அதுமட்டுமின்றி தேசிய அளவிலான துப்பாக்கி சுடும் போட்டியில் கலந்துகொள்ள அஜித் தேர்வு பெற்று உள்ளார் என்பதும் தமிழகத்திலிருந்து தேர்வு பெற்றவர்களில் அஜித் ஒருவர் மட்டுமே என்பதும் குறிப்பிடத்தக்கது. கடந்த 2019ஆம் ஆண்டு முதல் துப்பாக்கி சுடும் பயிற்சியில் ஈடுபட்டு வரும் அஜித், தேசிய அளவிலான போட்டியிலும் பங்கேற்று தங்கம் வெல்வார் என்று எதிர்பார்க்கப்படுகிறது.