ஆயிரத்தில் ஒருவன் 2: ஃபர்ஸ்ட் லுக் போஸ்டரையே காப்பி! இப்படி பண்ணிட்டீங்களே செல்வா!

நீண்ட நாட்களாக ரசிகர்கள் எதிர்பார்த்து வந்த ஆயிரத்தில் ஒருவன் 2 திரைப்படம் இப்போது அதிகாரப்பூர்வமாக அறிவிக்கப்பட்டுள்ளது. ஆயிரத்தில் ஒருவன் 2 பட ஃபர்ஸ்ட் லுக் போஸ்டரை செல்வராகவன் நேற்று புத்தாண்டு அன்று வெளியிட்டார். தனுஷ் அதனை ரீடுவிட் செய்து, 2024 இல் இளவரசன் வருகிறான் என்று பதிவிட்டிருந்தார்.

இந்த நிலையில், வழக்கம் போல் ஃபர்ஸ்ட் லுக் போஸ்டரை ஆராய்ச்சி செய்த ரசிகர்கள் ஷாக் ஆகியுள்ளனர். காரணம் முதலில் ஆயிரத்தில் ஒருவன் போஸ்டரில் இருப்பது கார்த்தி என்ற எண்ணித்தில் தான் ரசித்தனர். ஆனால், அந்த போஸ்டர் அப்படியே இன்னொரு பிரபல ஆங்கில புத்தகத்தின் போஸ்டரில் இருந்து காப்பியடிக்கப்பட்டுள்ளது. அந்தப் புத்தகத்தின் பெயர் ART Book, Mathieu Lauffray ஆகும்.

கொஞ்சம் கூட அசிறு பிசிறு இல்லாமல் புற முதுகை காட்டும் வீர மனிதரை அப்படியே போட்டோ எடிட் செய்து ஆயிரத்தில் ஒருவன் 2 போஸ்டரில் வைத்துள்ளனர். இன்ஸ்பிரேஷன் என்றாலும் ஒரு நியாயம் வேண்டாமா என்பது போல் நெட்டிசன்கள் கமெண்ட் அடித்து வருகின்றனர்.