பாக்கியலட்சுமி சீரியல் நடிகைக்கு திருமணம்.. மாப்பிள்ளை யார் தெரியுமா?

விஜய் தொலைக்காட்சியில் பிரைம் டைமில் ஒளிபரப்பாகி வரும் பிரபல சீரியல் பாக்கியலட்சுமி. இந்த சீரியல் முக்கிய கதாபாத்திரத்தில் நடித்து வரும் ஒரு முக்கிய நடிகைக்கு விரைவில் திருமணம் நடைபெற உள்ளது.

பாக்கிய லட்சுமி சீரியலில் அமிர்தா என்ற முக்கிய கதாபாத்திரத்தில் நடித்து வருபவர் தான் ரித்திகா தமிழ்செல்வி.

இவர் விரைவில் விஜய் டிவியில் கிரியேட்டிவ் டைரக்ட்டராக உள்ள விணு விஜய் என்பவரைத் திருமணம் செய்ய உள்ளார்.

இவரும் ஒரே தொலைக்காட்சி நிறுவனத்தைச் சார்ந்த நிகழ்ச்சிகளில் பங்கேற்று வரும் போது கிடைத்த நட்பு, காதலாக மாறி திருமணம் வரை சென்றுள்ளதாகக் கூறப்படுகிறது.

இவர்களது திருமண வரவேற்பு நவம்பர் 27-ம் தேதி மாலை நடைபெற இருக்கிறது. அதற்கு முன்னதாக ஒரு சுப முகூர்த்தத்தில் இவருக்கும் திருமணம் நடைபெற உள்ளது.

ரித்திகா பாக்கியலட்சுமி சீர்யல் முன்பு, ராஜா ராணி, சிவா மனசுல சக்தி, சாக்லேட், திருமகள், குக்கு வித் கோமாளி, ஸ்டார்ட் மியூசிக், ராஜூ வூட்டுல பார்ட்டி உள்ளிட்ட பல்வேறு சீரியல்கள் மற்றும் தொலைக்காட்சி தொடர்களிலும் நடித்துள்ளார் என்பது குறிப்பிடத்தக்கது.