மீண்டும் கம்பீரமாக கேப்டன் விஜயகாந்த்: குடும்ப புகைப்படங்கள் வைரல்!

கடந்த சில நாட்களுக்கு முன்னர் வெளிவந்த கேப்டன் விஜயகாந்தின் புகைப்படத்தை பார்த்து அவரது ரசிகர்கள் மற்றும் தொண்டர்கள் அதிர்ச்சி அடைந்தனர் .

திரையுலக பிரபலங்கள் இந்த புகைப்படத்தை பார்த்து தங்கள் வருத்தத்தை தெரிவித்து இருந்தனர். கம்பீரமாக இருந்த கேப்டன் மிகவும் ஒல்லியாக கண்ணாடி அணிந்து பரிதாபமாக இருந்த புகைப்படம் அனைத்து தரப்பு மக்களையும் பெரும் அதிர்ச்சியை ஏற்படுத்தியது.

இந்த நிலையில் கேப்டன் விஜயகாந்த் தற்போது உடல்நலம் படிப்படியாக தேறி வருவதாக கூறப் பட்டது. இதனையடுத்து இன்று அவரது மகன் சண்முகபாண்டியன் பிறந்த நாள் கொண்டாட்டத்தின் போது எடுத்த புகைப்படங்கள் வைரல் ஆகி வருகின்றன.

இந்த புகைப்படத்தில் கேப்டன் விஜயகாந்த் மீண்டும் கம்பீரமாக சிரித்த முகத்துடன் தனது குடும்பத்தினருடன் இருக்கும் புகைப்படங்கள், தனது இரு மகன்களின் தோளில் கை போட்டு நிற்கும் புகைப்படங்கள், விஜயகாந்துக்கு இரு மகன்களும் முத்தம் கொடுக்கும் புகைப்படங்கள் ஆகியவை வைரலாகி வருகின்றன.

இந்த புகைப்படத்தை பார்த்த நெட்டிசன்கள் ’பழைய பன்னீர்செல்வமா விஜயகாந்த் மீண்டு விட்டார்’ என்று பதிவு செய்து வருகின்றனர். விஜயகாந்த் முழுமையாக குணமடைந்து மீண்டும் கம்பீரமாக அரசியலுக்கு வர வேண்டும் என்பதே அனைத்து தரப்பு மக்களின் என்பது குறிப்பிடத்தக்கது.