இந்தியா வந்தது ரஷ்ய கொரோனா தடுப்பூசி ‘SputnikV’- பற்றாக்குறை நீங்குமா..?

நாட்டில் இன்று முதல் 18 வயது மேற்பட்டவர்களுக்கு கொரோனா தடுப்பூசி செலுத்த மத்திய அரசு அனுமதி கொடுத்துள்ள நிலையில், தமிழகத்தில் அது நடைமுறைக்கு வருமா என்கிற கேள்வி எழுந்துள்ளது. தடுப்பூசிகள் கிடைப்பதில் நிலவும் தட்டுப்பாடு மற்றும் குழப்பங்கள் காரணமாக இப்படியான சந்தேகம் எழுந்துள்ளது.

இந்தியாவைப் பொறுத்தவரை சீரம் இன்ஸ்டிட்யூட் நிறுவனத்தின் கோவிஷீல்டு மற்றும் பாரத் பயோடெக் நிறுவனத்தின் கோவாக்ஸின் ஆகிய தடுப்பூசிகள் தான் பயன்பாட்டில் உள்ளன. இந்த இரண்டு நிறுவனங்களும், 50 சதவீத தடுப்பூசிகளை மத்திய அரசுக்கும், மீதமுள்ள 50 சதவீத தடுப்பூசிகளை தனியார் மருத்துமனைகளுக்கும் மாநில அரசுகளுக்கும் வழங்க உள்ளன. இரண்டு நிறுவனங்களுமே மத்திய அரசுக்கு விற்ற விலையை விட, அதிக விலைக்கே மாநில அரசுகளுக்குத் தடுப்பூசிகளை விற்க உள்ளது.

Happy to share that the first batch of the #SputnikV vaccine delivered in Hyderabad! As #RussiaIndia continue dedicated joint efforts to combat the #COVID19, this move is especially important to support the Indian Government’s endeavors to mitigate deadly 2nd wave & save lives. pic.twitter.com/0zY0bTTOKl

— Nikolay Kudashev ???????? (@NKudashev) May 1, 2021

இதைத் தவிர வெளிநாட்டில் தயாரிக்கப்பட்டு அங்கீகரிக்கப்பட்ட கொரோனா தடுப்பூசிகளை அவசரகால நிலையைக் கருத்தில் கொண்டு பயன்படுத்திக் கொள்ள மத்திய அரசு, சில வாரங்களுக்கு முன்னர் அனுமதி கொடுத்தது. அதன்படி ரஷ்யாவில் உற்பத்தி செய்யப்பட்ட ‘ஸ்பட்னிக் வி’ கொரோனா தடுப்பூசியின் முதல் பேட்ச் தற்போது இந்தியா வந்துள்ளது.

இது குறித்து இந்தியாவுக்கான ரஷ்ய தூதர், நிகோலே குடாஷெவ், ‘இன்று ரஷ்யாவின் ஸ்பட்னிக் வி கொரோனா தடுப்பூசியின் முதல் பேட்ச் ஐதராபாத் வந்திருங்கியது. ஸ்பட்னிக் வி-யின் செயல்பாட்டுத் திறமை மிக அதிகமானது. உருமாறிய கொரோனாவுக்கு எதிராகவும் இது செயலாற்றும். சீக்கிரமே இந்த தடுப்பு மருந்து உள்ளூரில் தயாரிக்கப்படும்’ எனத் தகவல்கள் தெரிவித்துள்ளார்.