விஜய்சேதுபதியின் அடுத்த படத்தில் இணைந்த ‘குக் வித் கோமாளி’ பிரபலம்!

மக்கள் செல்வன் விஜய் சேதுபதி நடிக்கவிருக்கும் அடுத்த திரைப்படத்தில் குக் வித் கோமாளி பிரபலம் ஒருவர் இணைந்துள்ள தகவல் அனைவரையும் ஆச்சரியத்தில் ஆழ்த்தியுள்ளது.

மக்கள் செல்வன் விஜய் சேதுபதி நடிக்கும் 46வது திரைப்படத்தை சன் பிக்சர்ஸ் நிறுவனம் தயாரிக்க இருப்பதாகவும் இந்த படத்தை இயக்குனர் பொன்ராம் இயக்க இருப்பதாகவும் நேற்று அறிவிக்கப்பட்டது. இந்த படத்தின் படப்பிடிப்பு வரும் ஏப்ரல் மாதம் தொடங்க உள்ளது என்பது குறிப்பிடத்தக்கது.

இந்த நிலையில் இந்த படத்தில் குக் வித் கோமாளி நிகழ்ச்சியின் மூலம் பிரபலமடைந்த புகழ் இணைந்து உள்ளதாகவும் அவருக்கு இந்த படத்தில் விஜய் சேதுபதியுடன் படம் முழுவதும் பயணிக்கும் முக்கிய கேரக்டர் என்றும் கூறப்படுகிறது. இதனை அடுத்து புகழுக்கு வாழ்த்துக்கள் குவிந்து வருகிறது.

டி இமான் இசையில் உருவாகி வரும் இந்த படத்தில் விஜய்சேதுபதி போலீஸ் கேரக்டரில் நடிக்கிறார் என்பது குறிப்பிடத்தக்கது. ஏற்கனவே இயக்குனர் ஹரி இயக்கத்தில் அருண் விஜய் நடித்து வரும் திரைப்படத்தில் புகழ் நடித்து வருகிறார் என்பதும் இந்த படத்தின் படப்பிடிப்பு பழனியில் நடைபெற்று வருகிறது என்பதும் குறிப்பிடத்தக்கது.