8வது ஊதியக்குழு: அடிப்படை ஆண்டு மாற்றம் – சம்பளத்தில் ஜாக்பாட் உயர்வு?

மத்திய அரசு ஊழியர்களும் ஓய்வூதியதாரர்களும் ஆவலோடு எதிர்பார்க்கும் 8வது ஊதியக்குழு தொடர்பாக முக்கிய தகவல்கள் வெளியாகி வருகின்றன. குறிப்பாக, அகவிலைப்படி கணக்கீட்டிற்கான அடிப்படை ஆண்டை மாற்றும் திட்டம் குறித்து தற்போது அதிக கவனம் செலுத்தப்படுகிறது.

8வது ஊதியக்குழு ஜனவரி 1, 2026 முதல் நடைமுறைக்கு வரும் என எதிர்பார்க்கப்படுகிறது. இதற்கான குழு உறுப்பினர்கள் விரைவில் நியமிக்கப்படவுள்ள நிலையில், அவர்கள் பரிந்துரைகளை 2026 ஏப்ரல் அல்லது மே மாதம் தாக்கல் செய்யலாம். ஆனால் இறுதி அறிக்கையை 2027க்குள் பெறும் வாய்ப்பு உள்ளது.

 அடிப்படை ஆண்டு மாற்றம் – என்ன காரணம்?

தற்போது 2016 ஆண்டை அடிப்படையாகக் கொண்டு AICPI-IW (Industrial Workers’ Consumer Price Index) தரவுகள் மூலம் அகவிலைப்படி கணக்கிடப்படுகிறது. ஆனால், பணவீக்கம் அதிகரித்து வரும் சூழ்நிலையில், புதிய அடிப்படை ஆண்டு கொண்டு AICPI தரவை மாற்ற அரசாங்கம் திட்டமிட்டு இருப்பதாக வட்டாரங்கள் தெரிவிக்கின்றன.

 புதிய கணக்கீடு எப்படி இருக்கும்?

அடிப்படை ஆண்டை மாற்றினால், அகவிலைப்படி புள்ளிகள் (DA Points) புதுப்பிக்கப்படும். இதனால், தற்போதைய 68%-61% ஆக இருக்கும் அகவிலைப்படி, மாற்றப்பட்ட அடிப்படையில் குறைவாகத் தொடங்கும் வாய்ப்பு உள்ளது. இது புதிய அகவிலைப்படி கணக்கீடு பூஜ்ஜிய நிலை (reset) இருந்து துவங்கும்.

 சம்பள உயர்வுக்கு பாதிப்பு?

இது சம்பள உயர்வை நேரடியாக பாதிக்காது. காரணம், புதிய கணக்கீட்டு முறையில் இருந்தாலும், அகவிலைப்படி பழைய ஆண்டுகளுடன் இணைக்கப்பட்டு, ஊழியர்களுக்கு தொகுப்பு தொகையாக (lump sum) வழங்கப்படலாம். இருப்பினும், இதற்கான அதிகாரப்பூர்வ அறிவிப்பு வரவில்லை.

8வது ஊதியக்குழு மூலம், ஊழியர்களுக்கும் ஓய்வூதியதாரர்களுக்கும் மிகப் பெரிய சம்பள மாற்றங்கள் ஏற்படலாம். அகவிலைப்படி கணக்கீட்டில் ஏற்படும் மாற்றங்கள் இது எப்படி அமையும் என்பதை தீர்மானிக்கப்போகின்றன. அரசாங்கத்தின் இறுதி முடிவுகள் குழுவின் பரிந்துரைகளைப் பொறுத்து இருக்கின்றன.