மீண்டும் பொங்கல் விருந்து படைக்கிறார் தளபதி விஜய்..!- சன் பிக்சர்ஸ் முடிவு

மீண்டும் பொங்கல் விருந்து படைக்கத் தயாராகி வருகிறாராம் தளபதி விஜய்.

விஜய் 65 திரைப்படம் சன் பிக்சர்ஸ் நிறுவனத்தால் தயாரிக்கப்படுகிறது என சமீபத்தில் அறிவிக்கப்பட்டது. தளபதி 65 படத்தை நெல்சன் திலிப் குமார் இயக்குகிறார். மாஸ்டர் திரைப்படம் நீண்ட காத்திருப்புக்குப் பின்னர் 2020 பொங்கலுக்குத் தான் வெளியானது. இந்த வகையில் தளபதி 65 படத்தை 2021 பொங்கலுக்கு வெளியிட சன் பிக்சர்ஸ் நிறுவனம் முடிவு செய்துள்ளதாம்.

நடிகர் சூப்பர்ஸ்டார் ரஜினிகாந்த் நடிப்பில் உருவான அண்ணாத்த படமும் சன் பிக்சர்ஸ் தயாரிப்பு தான். அண்ணாத்த படம் தீபாவளிக்கு திரைக்கு வர இருப்பதால் தளபதி 65 பொங்கல் 2021-க்கு வந்தால் சரியாக இருக்கும் என முடிவு செய்யப்பட்டுள்ளதாம். தளபதி 65 படத்தில் தளபதி விஜய் உடன் நடிகை பூஜா ஹெக்டே கதாநாயகி ஆக நடிக்கிறார்.

இவர்களுடன் நடிகர் அருண் விஜய் முக்கியக் கதாபாத்திரத்தில் நடிக்கிறார் எனக் கூறப்பட்டுள்ளது. நிச்சயமாக அஜித் உடன் மோதியது போல் விஜய் உடன் வில்லன் ஆக இந்தப் படத்தில் அருண் விஜய் மோதுவார் என எதிர்பார்க்கப்படுகிறது. குறிப்பாக பாடகர் பூவையார் தளபதி 65 படத்திலும் விஜய் உடன் இணைந்து நடிக்கிறார். பிகில் படத்தில் ஒரு பாடலில் நடனமாடி, பாடி தளபதியை கவர்ந்ததால் மாஸ்டர் படத்தில் பூவையாருக்கு வாய்ப்பு கிடைத்தது. தற்போது தளபதி 65-லும் நடித்து வருகிறாராம் பூவையார்.