மூத்த குடிமக்கள் – செய்யக்கூடியவை என்ன? செய்யக்கூடாதவை என்ன?

வயதாகி முதுமை அடைவது என்பது இயற்யைாக நடக்கக்கூடிய செயல்தான். முதுமையை ஒரு கொண்டாட்டமாக அனுபவியுங்கள்.

நாள்தோறும் குறிப்பிட்ட நேரத்தில் உறங்கச் சென்று குறிப்பிட்ட நேரத்தில் விழிக்க பழகிக் கொள்ளுங்கள்.

நாள்தோறும் முடிந்த அளவு உங்களால் சுலபமாக செய்யக்கூடிய உடற்பயிற்சிகளை செய்யுங்கள்.

எப்பாதும் நேர்மறையான எண்ணங்களை வளர்த்துக் கொள்ளுங்கள். வீட்டில் உள்ள அணைத்து செயல்களையும் ஈடுபாட்டுடன் செய்யப் பழகுங்கள்.

புகையிலை பொருட்கள் மற்றும் மதுபானங்களை எந்த வடிவிலும் எடுத்துக் கொள்வதை தவிருங்கள்.

உங்கள் சுற்றுப்புறத்தை எப்போதும் துாய்மையாக ஒழுங்காக வைத்துக் கொள்ளுங்கள்.

சிறு உடல்நலக்குறைவு என்றாலும் குடும்பத்தினருக்குத் தெரியப்படுத்தி தகுந்த துணையுடன் மருத்துவரை அணுகுங்கள்.

உடல் எடையை சீராக பராமரியுங்கள்.

வீட்டில் நடமாடும் இடங்களில் எப்போதும் போதிய வெளிச்சம் மற்றும் காற்றோட்டம்  இருப்பதை உறுதிப் படுத்திக் கொள்ளுங்கள்.

நீங்கள் அன்றாடம் பயன்படுத்தும் பொருள்களை எப்போதும் எளிதில் அணுகும் விதத்தில் வைத்து பயன்படுத்துங்கள்.

அவ்வப்போது தகுந்த மருத்துவரிடம் உடல்நல பரிசோதனைகளை செய்து கொள்ளுங்கள்.

எளிதில் செரிமானம் ஆகக்கூடிய உணவுகளையே உட்கொள்ளுங்கள்.

உங்களால் சிலவற்றை எப்போதும் மாற்ற முடியாது என்பதை ஏற்றுக் கொள்ளுங்கள்.

நண்பர்களிடமும் உறவினர்களிடமும் எப்போதும் நல்லவிதமாக உரையாடுங்கள்.

கவலைகள் துயரங்கள் அணைத்தையும் மறந்து நன்கு ஆழ்ந்து உறங்குங்கள்.

மரணம் என்பது இயல்பானது. அதனை ஏற்றுக்கொள்ளப் பழகுங்கள்.

வாழ்க்கை என்பது ஒரு கொண்டாட்டம்தான். அதை சந்தோஷமாக கொண்டாடுங்கள்…