ஆபாச பட நடிகையாக மாறிய ரம்யா கிருஷ்ணன்?

சூப்பர் டீலக்ஸ் படத்தில் ஆபாச பட நடிகை கேரக்டரில் நடிகை ரம்யா கிருஷ்ணன் நடித்துள்ளதாக படத்தின் இயக்குநர் தியாகராஜா குமாரராஜா தெரிவித்துள்ளார்.

தேசிய விருது வென்ற ஆரண்ய காண்டம் படத்தை தொடர்ந்து தியாகராஜா குமாரராஜா இயக்கும் படம் சூப்பர் டீலக்ஸ். சுமார் 8 ஆண்டுகளுக்கு பிறகு குமாரராஜாவின் 2வது படமான சூப்பர் டீலக்ஸ் ரிலீசாகவுள்ளது. மேலும், இந்த படத்தில் நடிகர் விஜய்சேதுபதி ஷில்பா எனும் திருநங்கை வேடத்தில் நடித்துள்ளார். சமந்தா, பகத் பாசில், ரம்யா கிருஷ்ணன், மிஷ்கின் என நட்சத்திர பட்டாளமே இந்த படத்தில் நடித்துள்ளனர்.

இந்நிலையில், இந்த படத்தில் ஆபாச பட நடிகை கதாபாத்திரத்தில் நடிக்க நடிகை நதியாவை முதலில் தான் அணுகியதாகவும், பின்னர், அவர் நடிக்க மறுத்ததை தொடர்ந்து, மிகவும் தைரியமாக இந்த கதாபாத்திரத்தில் நடிக்க ரம்யா கிருஷ்ணன் ஒப்புக் கொண்டார் என்றும் இயக்குநர் தியாகராஜன் தெரிவித்துள்ளார்.

பாகுபலி படத்தில் ராஜமாதா சிவகாமி தேவியாக நடித்த ரம்யா கிருஷ்ணன் தனது இமேஜை பொருட்படுத்தாது நல்ல கதை என்பதால், இதில் இந்த வேடத்தில் நடித்துள்ளாராம்.