திட்டமிட்டபடி ரிலீஸ் ஆகாத ‘புஷ்பா’ டிரைலர்: விளக்கம் அளித்த தயாரிப்பு நிறுவனம்!

பிரபல தெலுங்கு நடிகர் அல்லு அர்ஜுன் நடிப்பில் சுகுமார் என்பவரது இயக்கத்தில் உருவாகியுள்ள திரைப்படம் ‘புஷ்பா’. தமிழ் உள்பட ஐந்து மொழிகளில் உருவாகியுள்ள இந்த படம் டிசம்பர் 17ஆம் தேதி வெளியாக இருக்கும் நிலையில் இன்று மாலை 6.03 மணிக்கு இந்த படத்தின் டிரைலர் வெளியாக உள்ளதாக அறிவிக்கப்பட்டு இருந்தது.

இந்த படத்தின் டிரைலரை எதிர்பார்த்து அல்லு அர்ஜுனின் கோடிக்கணக்கான ரசிகர்களில் காத்திருந்த நிலையில் திடீரென தற்போது டிரைலர் ரிலீஸ் ஆகவில்லை என தயாரிப்பு நிறுவனம் அறிவித்துள்ளது.

இதுகுறித்து புஷ்பா படத்தின் தயாரிப்பு நிறுவனமான மைத்திரி மூவி மேக்கர்ஸ் தனது டுவிட்டர் பக்கத்தில் ’எதிர்பாராத சில தொழில்நுட்ப பணிகள் காரணமாக திட்டமிட்டபடி ‘புஷ்பா’ டிரைலர் 06.03 மணிக்கு வெளியாக வில்லை என்றும், இதற்காக நாங்கள் வருந்துகிறோம் என்றும், விரைவில் புஷ்பா ட்ரைலர் வெளியாகும் என்றும் தெரிவிக்கப்பட்டுள்ளது. இதனால் அல்லு அர்ஜுன் ரசிகர்கள் கடும் ஏமாற்றம் அடைந்துள்ளனர் என்பது குறிப்பிடத்தக்கது.

அல்லு அர்ஜுன், ராஷ்மிகா மந்தனா, பகத் பாசில், ஜெகபதிபாபு, பிரகாஷ்ராஜ், கிஷோர் உள்பட பலர் நடித்துள்ள இந்த படத்தில் சமந்தா ஒரு பாடலுக்கு நடனம் ஆடியுள்ளார் என்பதும் தேவி ஸ்ரீ பிரசாத் இப்படத்திற்கு இசையமைத்துள்ளார் என்பதும் குறிப்பிடத்தக்கது.

#PushpaTrailer pic.twitter.com/xzhyn8XMpt

— Mythri Movie Makers (@MythriOfficial) December 6, 2021