சினிமா செய்திகள்
லிங்குசாமியின் அடுத்த படம் ‘பையா 2’: ஆனால் கார்த்தி இல்லையாம்!
கார்த்தி நடிப்பில் லிங்குசாமி இயக்கத்தில் உருவான பையா திரைப்படம் கடந்த 2010-ஆம் ஆண்டு வெளியாகி நல்ல வரவேற்பை பெற்றது. இந்த நிலையில் 12 ஆண்டுகள் கழித்து இந்த படத்தின் இரண்டாம் பாகத்தை உருவாக்க லிங்குசாமி திட்டமிட்டுள்ளதாக தகவல்கள் வெளியாகியுள்ளன.
கார்த்தி, தமன்னா நடிப்பில் யுவன் சங்கர் ராஜா இசையில் லிங்குசாமி இயக்கத்தில் உருவான பையா திரைப்படம் மிகப்பெரிய வெற்றி பெற்ற நிலையில் இந்த படத்தின் இரண்டாம் பாகத்தின் திரைக்கதையை தற்போது தயாராக இருப்பதாகவும் விரைவில் படப்பிடிப்பு தொடங்க உள்ளதாகவும் கூறப்படுகிறது.
ஆனால் பையா படத்தின் இரண்டாம் பாகத்தில் கார்த்தி இல்லை என்றும் இந்த படத்தின் நாயகனாக சிவகார்த்திகேயன் நடிக்க பேச்சுவார்த்தை நடைபெற்று வருவதாகவும் கூறப்படுகிறது .
தற்போது தமிழ் திரையுலகில் முன்னணி நடிகராக வளர்ந்திருக்கும் சிவகார்த்திகேயன் நடிப்பில் ’பையா 2’ திரைப்படம் உருவானால் அந்த படம் மிகப்பெரிய எதிர்பார்ப்பை ஏற்படுத்தும் என்று கூறப்படுகிறது.