முதல் இரவு ஓயோ அறையில் தான் நடக்குமா? ஓயோ நிறுவனர் திருமணத்தில் நண்பர் கேட்ட கேள்வி..!

ஓயோ நிறுவனத்தின் நிறுவனர் ரித்தேஷ் அகர்வால் அவர்களுக்கு சமீபத்தில் திருமணம் நடந்த நிலையில் தான் உங்களது முதல் இரவு ஓயோ அறையில் தான் நடக்குமா என அவருடைய நெருங்கிய நண்பர் ஒருவர் தனது இன்ஸ்டாகிராமில் பதிவு செய்துள்ளது இணையதளங்களை கவர்ந்துள்ளது.

ஓயோ நிறுவனம் என்பது உலகம் முழுவதும் ஹோட்டல் மற்றும் அறைகள் வாடகைக்கு விடும் ஒரு மிகப்பெரிய நிறுவனம் என்பதும் இந்தியா உள்பட உலகின் பல நாடுகளில் இதன் கிளைகள் உள்ளது என்பதும் தெரிந்ததே. ஒரு இந்திய பன்னாட்டு விருந்தோம்பல் சங்கிலித் தொடர் நிறுவனமான இந்நிறுவனம் கடந்த 2012 ஆம் ஆண்டு ரித்தேஷ் அகர்வால் என்பவரால் தொடங்கப்பட்டது.

ஆரம்பத்தில் இந்தியாவின் முக்கிய ஹோட்டல்களை கொண்டிருந்த இந்நிறுவனம் 2020 ஆம் ஆண்டு நிலவரப்படி இந்தியா மட்டும் இன்றி மலேசியா, ஐக்கிய அரபு எமிரேட், நேபாளம், சீனா, பிரேசில், மெக்சிகோ, இங்கிலாந்து உள்பட 80 நாடுகளில் 800 நகரங்களில் சுமார் 43 ஆயிரத்துக்கும் மேற்பட்ட அறைகளை கொண்ட ஒரு நிறுவனமாக உள்ளது.

மேலும் பிலிப்பைன்ஸ், ஜப்பான், சவுதி அரேபியா, இலங்கை, இந்தோனேசியா, வியட்நாம் மற்றும் அமெரிக்காவிலும் இந்நிறுவனம் கடந்த சில ஆண்டுகளுக்கு முன் தனது கிளைகளை தொடங்கியது என்பது குறிப்பிடத்தக்கது. சுற்றுலா செல்பவர்கள் மற்றும் நிகழ்ச்சிகளை நடத்துபவர்கள் ஓயோ நிறுவனத்தை தொடர்பு கொண்டால் உலகின் எந்த பகுதியில் வேண்டுமானாலும் அறைகள் மற்றும் விருந்தினர் மாளிகைகள் கிடைக்கும் என்பது குறிப்பிடத்தக்கது.

இந்நிலையில் ஓயோ நிறுவனத்தின் நிறுவனர் ரித்தேஷ் அகர்வால் தனது 29வது வயதில் வென்ச்சர் பிரைட் லிமிடெட் நிறுவனத்தின் இயக்குனர் கீதன்ஷா என்பவரை திருமணம் செய்து கொண்டார். இந்த திருமணம் மிகவும் பிரமாண்டமாக நடந்தது என்பதும் இந்த திருமணத்தின் வரவேற்பு நிகழ்ச்சியில் பல பிரபலங்கள் கலந்து கொண்டனர் என்பது குறிப்பிடத்தக்கது.

இந்த நிலையில் புதுமண தம்பதிகளுக்கு அவருடைய நெருங்கிய நண்பர் ஒருவர் இன்ஸ்டாகிராமில் ஒரு புகைப்படத்தை பதிவு செய்து அதற்கு கேப்ஷனாக ’வாழ்த்துக்கள் உங்களது திருமண வாழ்க்கை மகிழ்ச்சியாக தொடங்கியதற்கு எனது வாழ்த்துக்கள், மில்லியன் கணக்கான உங்களது வாடிக்கையாளர்கள் சார்பில் நான் வாழ்த்து தெரிவித்துக் கொள்கிறேன், ஆனால் உங்கலது முதலிரவு ஓயோ அறையில் தான் நடகும் என்று நம்புகிறேன்’ என தெரிவித்துள்ளார். அவருடைய இந்த பதிவுக்கு ஏராளமான லைக்ஸ், கமெண்ட்ஸ் பதிவாகி வருகிறது என்பது குறிப்பிடத்தக்கது.