மக்களவை தேர்தல் 2019 தேதி அறிவிப்பு; தமிழ்நாட்டில் எப்போது?

17வது மக்களவை தேர்தல் தேர்தல் தேதி அறிவிப்பை இன்று தேர்தல் ஆணையம் வெளியிட்டது.

ஜனநாயக கூட்டணி தலைமையிலான அரசின் ஆட்சிக் காலம் வர இருக்கும் மே மாதத்துடன் முடிவடைய உள்ளது.

எனவே மக்களவை தேர்தல் 7 கட்டமாக ஏப்ரல் 11 முதல் மே 19-ம் தேதி வரை நடைபெறும் என்று தேர்தல் ஆணையம் தெரிவித்துள்ளது.

முதல் கட்ட தேர்தல் ஏப்ரல் 11ம் தேதியும், 2-ம் கட்டம் ஏப்ரல் 18-ம் தேதியும், 3-ம் கட்ட தேர்தல் ஏப்ரல் 23-ம் தேதியும், 4-ம் கட்ட தேர்தல் ஏப்ரல் 29-ம் தேதியும், 5-ம் கட்ட தேர்தல் மே 6-ம் தேதியும், 6-ம் கட்ட தேர்தல் மே 12-ம் தேதியும், 7-ம் கட்ட தேர்தல் மே 19-ம் தேதியும் நடைபெற உள்ளது.

தமிழ்நாட்டில் மக்களவை தேர்தல் 2019 எப்போது?

தமிழகம் மற்றும் புதுச்சேரியில் மக்களவை தேர்தல் 2019 இரண்டாம் கட்டமாக ஏப்ரல் 18-ம் தேதி ஒரே கட்டமாக நடைபெற உள்ளது.

தேர்தல் முடிவுகள் மே 23-ம் தேதி வெளியாகும்.