சூப்பர் ஸ்டார் ரஜினி காந்த் டைட்டிலில் நடிக்கும் லேடி சூப்பர் ஸ்டார் நயன்தாரா…

நயன்தாரா நடிக்க உள்ள அவரது 65வது படத்துக்கு சூப்பர் ஸ்டார் ரஜினி காந்தின் சூப்பர் ஹிட் படமான நெற்றிக்கண் என பெயரிடப்பட்டுள்ளது.

இந்த படத்தை நயன் தாராவின் காதலரும் இயக்குநருமான விக்னேஷ் சிவன் தன்னுடைய ரௌடி பிக்சர்ஸ் ப்ரொடக்சன் சார்பாக தயாரிக்கிறார்.

படத்தை அவள் என்ற படத்தின்மூலம் அறிமுகம் ஆன மிலந்த் ராவ் இயக்குகிறார். அவள் படம் போலவே இதுவும் ஹாரர் படமாக உருவாக உள்ளது. இந்தப் படத்தின் படப்பிடிப்பும் இன்று தொடங்கிவிட்டது.

சூப்பர் ஸ்டாரின் வெற்றிப்படமான நெற்றிக்கண் என்ற தலைப்பு கிடைத்ததில் ஒட்டுமொத்த படக்குழுவும் செம்ம ஹேப்பி.

“இந்த தலைப்பை கொடுத்தற்காக சூப்பர் ஸ்டார் ரஜினி காந்த் சார், மறைந்த இயக்குநர் கே.பாலசந்தர் மற்றும் கவிதாலயா ப்ரொடக்சன் புஷ்பா ஆகியோருக்கு நாங்கள் மிகவும் கடமைப்பட்டுள்ளோம். நல்ல திரைக்கதையும் சிறந்த த்ரில்லர் படமாக இந்தப் படம் உருவாகும். இயக்குநரின் முந்தை படத்தைபோல இதுவும் ரசிகர்களை மகிழ்விக்கும்” எனக் கூறியுள்ளார் தயாரிப்பாளர் விக்னேஷ் சிவன்.

இந்தப் படத்திற்கு இசை க்ரிஷ், ஒளிப்பதிவு கார்த்திக் கணேஷ் என். படம் தொடர்பான மற்ற விஷயங்களை நாளாக நாளாக இங்கே தெரிந்துகொள்ளலாம்…