தெலங்கானாவில் கிங்ஃபிஷர் பீர் விநியோகம் நிறுத்தம் – மால்யாவின் வீழ்ச்சி மீண்டும் நினைவில்!

தெலங்கானா மாநிலத்தில் மதுபான விற்பனையை ஒழுங்குபடுத்தும் TGBCL நிர்வாகம் கீழ், கிங்ஃபிஷர் பீரின் அனைத்து வகைகளையும் விநியோகித்து வந்த யுனைடெட் பிரெவெரிஸ் நிறுவனம், தொடர்ந்து ஏற்பட்ட நஷ்டத்தால் மாநிலத்தில் தனது பீர் விநியோகத்தை முற்றிலுமாக நிறுத்துவதாக அறிவித்துள்ளது.

இந்த முடிவு உடனடியாக அமலுக்கு வரும் எனவும், கடந்த இரண்டு ஆண்டுகளாக நஷ்டத்தை சமாளிக்க முயற்சித்தபோதும் மாநில நிர்வாகம் அடிப்படை விலையை உயர்த்த மறுத்ததால் இந்த கடுமையான தீர்மானம் எடுக்கப்பட்டதாகவும் நிறுவனம் தெரிவித்துள்ளது. மேலும், TGBCL நிர்வாகம் பணம் கொடுப்பதில் தாமதம் செய்ததால் நஷ்டம் மேலும் அதிகரித்ததாக கூறியுள்ளது.

கிங்ஃபிஷர் ஸ்ட்ராங், அல்ட்ரா, அல்ட்ரா மேக்ஸ் போன்ற பிரபல பீர் வகைகளை தயாரிக்கும் இந்த நிறுவனம், தெலங்கானா பீர் சந்தையில் 60% முதல் 70% வரை பங்கைக் கொண்டிருந்தது. இப்போது அந்த விநியோகம் நிறுத்தப்பட்டதால், மாநில மதுபிரியர்கள் பெரும் அதிர்ச்சியில் உள்ளனர்.

இந்த முடிவு தெலங்கானா அரசின் வருவாயிலும் தாக்கத்தை ஏற்படுத்தும் என கூறப்படுகிறது, ஏனெனில் கிங்ஃபிஷர் விற்பனை மூலம் ஆண்டுதோறும் சுமார் ₹4,500 கோடி வருவாய் மாநிலத்திற்கு கிடைத்தது. இதனால், பீர் விநியோக தடைகளை சரிசெய்ய தெலுங்கானா ஒயின் டீலர்ஸ் சங்கம் அரசை நடவடிக்கை எடுக்குமாறு கேட்டுக்கொண்டுள்ளது.

🏴‍☠️ “குட் டைம்ஸ்” இருந்து “பேட் டைம்ஸ்” வரை – மால்யாவின் வீழ்ச்சி

யுனைடெட் பிரெவெரிஸ் நிறுவனம், அதன் நிறுவனர் விஜய் மால்யாவால் ஒருகாலத்தில் இந்திய ஆடம்பரத்தின் அடையாளமாக விளங்கியது.
“Fly the Good Times” என்ற வாசகத்துடன் தொடங்கிய கிங்ஃபிஷர் ஏர்லைன்ஸ், 2005ல் விமானத் துறையில் புரட்சியை ஏற்படுத்தியது. ஆனால், வெறும் ஏழு ஆண்டுகளில் — 2012ல் — அந்த நிறுவனமே தரையில் இறங்கியது.

மால்யா அந்நாளில் “King of Good Times” என அழைக்கப்பட்டார். உயர்ந்த தர சேவைகள், மாடல் யூனிஃபார்ம்கள், சாம்பெயின் பானங்கள் என ஆடம்பரத்தின் சின்னமாக விளங்கிய கிங்ஃபிஷர் ஏர்லைன்ஸ், இந்தியாவின் குறைந்த விலை விமான சந்தையில் போட்டியிட முடியாமல் போனது.

💰 கடன்கள், வீழ்ச்சி மற்றும் வழக்குகள்

2007ல் ஏர் டெக்கான் நிறுவனத்தை வாங்கிய முடிவு கிங்ஃபிஷர்க்கு நஷ்டகரமாக அமைந்தது. 2011க்குள் நிறுவனம் ₹9,000 கோடிக்கும் மேலான கடனில் மூழ்கியது. ஊழியர்கள் சம்பளமின்றி போராட்டம் நடத்தினர், விமானங்கள் ரத்து செய்யப்பட்டன, இறுதியில் 2012ல் DGCA நிறுவனம் அனுமதியை ரத்து செய்தது.

அதே நேரத்தில், GMR ஹைதராபாத் ஏர்போர்ட்டுக்கு வழங்கிய காசோலை bounce ஆனதால், மால்யாவுக்கு எதிராக Non-bailable warrant பிறப்பிக்கப்பட்டது. இதைத் தொடர்ந்து, வரித்துறை மற்றும் சி.பி.ஐ விசாரணைகள் தொடங்கின.

2016ல் மால்யா இந்தியாவை விட்டு இங்கிலாந்து புறப்பட்டார். தற்போது அவர் அங்குள்ள சட்ட வழக்குகளில் ஈடுபட்டு, ஜாமீனில் உள்ளார். 2025 நிலவரப்படி, மால்யா மற்றும் அவரது நிறுவனத்தின் மீது உள்ள மொத்த கடன் ₹17,781 கோடி, அதில் ₹10,815 கோடி மட்டுமே இதுவரை மீட்கப்பட்டுள்ளது.

🎙️ “I Am Not a Sore” – மால்யாவின் 2025 வாக்குமூலம்

2025ல் தொழில்முனைவோர் ராஜ் ஷாமணி நடத்திய ஒரு பாட்காஸ்டில் மால்யா தனது மவுனத்தை உடைத்து, “எனது வீழ்ச்சி ஒரு தவறு அல்ல; அது துரதிர்ஷ்டமான நேரம் காரணமாக நடந்தது” எனக் கூறினார்.

அவர் வங்கிகள் தனது மறுசெலுத்தல் முன்மொழிவுகளை ஏற்கவில்லை என்றும், ஊடகம் தன்னை குற்றவாளியாக சித்தரித்தது என்றும் குற்றம் சாட்டினார். முன்னாள் ஊழியர்களிடம் மன்னிப்பு கேட்டாலும், முழுப் பொறுப்பை ஏற்க மறுத்தார்.

தற்போது அவர் தனது மகன் சித்தார்த்தின் திருமண விழாவிலும், ராயல் சேலஞ்சர்ஸ் பெங்களூரு வெற்றியிலும் பொது வெளியில் தோன்றியுள்ளார்.