கலைஞர் மகளிர் உரிமைத்தொகை திட்டம் – 14 மாவட்டங்களில் விண்ணப்பிக்க முடியாது! முழு விவரம்!

தமிழக அரசின் கலைஞர் மகளிர் உரிமைத்தொகை திட்டம் தொடர்பாக முக்கியமான அறிவிப்பு வெளியாகியுள்ளது. “உங்களுடன் ஸ்டாலின்” முகாம்கள் பெரும்பாலான மாவட்டங்களில் நிறைவடைந்துள்ள நிலையில், தற்போது 14 மாவட்டங்களைச் சேர்ந்த பெண்கள் இனி இந்த திட்டத்துக்கு விண்ணப்பிக்க முடியாது என அரசு தெரிவித்துள்ளது.

தமிழ்நாடு அரசு இந்த ஆண்டுக்கான கலைஞர் மகளிர் உரிமைத்தொகை திட்டத்துக்கு ஜூலை 15 ஆம் தேதி முதல் விண்ணப்பிக்க அனுமதி வழங்கியது. மாநிலம் முழுவதும் “உங்களுடன் ஸ்டாலின் முகாம்கள்” மூலமாக பெண்கள் தங்கள் விண்ணப்பங்களை சமர்ப்பிக்க வாய்ப்பு பெற்றனர்.

இந்த முகாம்கள் தாலுகா வாரியாக பல்வேறு இடங்களில் நடத்தப்பட்டு தற்போது இறுதி கட்டத்தை எட்டியுள்ளன. நவம்பர் 14ஆம் தேதியுடன் முகாம்கள் முடிவடைய உள்ள நிலையில், சில மாவட்டங்களில் முகாம்கள் ஏற்கனவே முடிவடைந்துவிட்டன.

அதன்படி, கீழ்க்கண்ட 14 மாவட்டங்களில் உள்ள பெண்கள் இனி புதிய விண்ணப்பங்களை சமர்ப்பிக்க முடியாது:
👉 அரியலூர்
👉 தருமபுரி
👉 நாகப்பட்டினம்
👉 பெரம்பலூர்
👉 புதுக்கோட்டை
👉 ராமநாதபுரம்
👉 ராணிப்பேட்டை
👉 சிவகங்கை
👉 நாமக்கல்
👉 நீலகிரி
👉 தேனி
👉 தூத்துக்குடி
👉 திருப்பத்தூர்
👉 வேலூர்

இந்த மாவட்டங்களில் “உங்களுடன் ஸ்டாலின் முகாம்கள்” அனைத்தும் முடிவடைந்துவிட்டதால், தற்போது புதிய விண்ணப்பங்கள் ஏற்கப்படாது என தமிழ்நாடு அரசு அதிகாரப்பூர்வமாக தெரிவித்துள்ளது.

அரசின் அதிகாரப்பூர்வ இணையதளமான உங்களுடன் ஸ்டாலின் முகாம் போர்டல்-இல் இதுகுறித்து புதுப்பிப்பு (update) வெளியிடப்பட்டுள்ளது.

மற்ற மாவட்டங்களில் முகாம்கள் இன்னும் நடைபெற்று வரும் நிலையில், அவை முடிவடையும் வரை விண்ணப்பிக்க முடியும். ஆனால், மேலே குறிப்பிடப்பட்ட 14 மாவட்டங்களில் வசிக்கும் பெண்களுக்கு இப்போது விண்ணப்பிக்கும் வாய்ப்பு இல்லை.

அடுத்த கட்டத்தில் அரசு புதிய சிறப்பு முகாம்களை அறிவித்தாலோ அல்லது நாடாளுமன்றத் தேர்தலை முன்னிட்டு சிறப்பு வாய்ப்பு அறிவிக்கப்பட்டாலோ மட்டுமே மீண்டும் விண்ணப்பிக்க முடியும் என தெரிவிக்கப்பட்டுள்ளது.