வணிகம்
ஐசிஐசிஐ, எச்டிஎஃப்சி வங்கிகள் FD வட்டி விகிதங்களை குறைத்தன – புதிய விகித விவரங்கள் இதோ!
பிரபல தனியார் வங்கிகள் FD வட்டி விகிதங்களை மீண்டும் குறைத்துள்ளன!
ஃபிக்ஸ்ட் டெபாசிட் (FD) முதலீடுகள் பாதுகாப்பான வருமானத்தை அளிப்பதோடு, சேமிப்புக் கணக்குகளுடன் ஒப்பிட்டால் அதிக வட்டியை வழங்குவதால் பலரால் விரும்பப்படுகிறது. இந்த நிலையில், ஐசிஐசிஐ வங்கி மற்றும் எச்டிஎஃப்சி வங்கி ஆகியவை தங்களின் FD வட்டி விகிதங்களில் மாற்றங்களை அறிவித்துள்ளன.
ஐசிஐசிஐ வங்கி FD வட்டி விகிதம்:
இந்திய ரிசர்வ் வங்கி அதன் கொள்கை வட்டி விகிதங்களை தொடர்ந்து குறைத்து வரும் நிலையில், அதனைத் தொடர்ந்து ஐசிஐசிஐ வங்கி மே 27, 2025 முதல் புதிய FD விகிதங்களை அமல்படுத்தியுள்ளது.
7 நாட்கள் முதல் 10 ஆண்டுகள் வரை FD-க்களுக்கு 3% முதல் 6.85% வரை வட்டி வழங்கப்படுகிறது.
அதிகபட்ச வட்டி 18 மாதங்கள் முதல் 2 ஆண்டுகள் வரையிலான FD திட்டங்களுக்கு 6.85% ஆக நிர்ணயிக்கப்பட்டுள்ளது.
60 வயதுக்கு மேற்பட்டவர்களுக்கு FD வட்டியில் கூடுதலாக 0.50% வழங்கப்படும்.
HDFC வங்கி FD வட்டி விகிதம்:
HDFC வங்கியும் மே 23, 2025 முதல் புதிய வட்டி விகிதங்களை அறிவித்துள்ளது.
7 நாட்கள் முதல் 10 ஆண்டுகள் வரையிலான FD திட்டங்களுக்கு 3% முதல் 6.85% வரை வட்டி வழங்கப்படுகிறது.
அதிகபட்ச வட்டி 15 முதல் 21 மாதங்கள் வரையிலான FD திட்டங்களுக்கு வழங்கப்படுகிறது.
சீனியர் சிட்டிசன்களுக்கு FD வட்டியில் கூடுதல் 0.5% வழங்கப்படும்.
முதலீட்டாளர்களுக்கு எச்சரிக்கை:
இந்த வட்டி விகித மாற்றங்கள் நிலையான வருமானத்திற்காக FD-க்களில் முதலீடு செய்யும் நபர்களை மீண்டும் தங்கள் திட்டங்களை பரிசீலிக்க தூண்டுகிறது. மேலும், FD திட்டங்களின் நன்மைகள் தொடரும் போதிலும், வட்டி வீழ்ச்சி காரணமாக மற்ற முதலீட்டு வாய்ப்புகளையும் ஆராய்வது அவசியம்.
