வைகோவுக்கு நாவடக்கம் தேவை: இல்லைனா மரியாதை இருக்காது!

மதிமுக பொதுச்செயலாளர் வைகோ பிரதமர் மோடியை தொடர்ந்து விமர்சித்து வருவதால் அவரை பாஜக தேசியச்செயலாளர் எச்.ராஜா கடுமையாக எச்சரித்துள்ளார்.

தமிழகத்தின் டெல்டா மாவட்டங்களை சமீபத்தில் கஜா புயல் மிகக்கடுமையாக தாக்கியது. இதனால் உருக்குலைந்து கிடக்கும் டெல்டா பகுதிகளை இதுவரை பிரதமர் மோடி வந்து பார்வையிடவில்லை. மேலும் இது தொடர்பாக ஒரு ஆறுதல் வார்த்தையைக்கூட பிரதமர் இதுவரை சொல்லவில்லை. இதனையடுத்து பிரதமரிந்த இந்த செயலை மதிமுக பொதுச்செயலாளர் வைகோ விமர்சித்தார்.

பிரதமர் மோடி நாடு நாடாக சுற்றுவதிலும், தினமும் விதவிதமாக ஆடை அணிவதிலும் போதையாக உள்ளார் என கடுமையாக விமர்சித்தார் வைகோ. இந்நிலையில் நாமக்கலில் நிகழ்ச்சி ஒன்றில் கலந்துகொள்ள வந்த பாஜக தேசிய செயலாளர் எச்.ராஜா பின்னர் செய்தியாளர்களை சந்தித்து பல்வேறு கேள்விகளுக்கு பதில் அளித்தார்.

அப்போது, வைகோ தொடர்ந்து பிரதமர் மோடியை விமர்சித்து வருவது குறித்து செய்தியாளர்கள் கேள்வி எழுப்பினர். அதற்கு பதில் அளித்த எச்.ராஜா, வைகோ, வார்த்தைகளை அளந்து பேச வேண்டும். மரியாதை இல்லாமல் பேசுவது அவருக்கு மரியாதை இல்லை. அவருக்கு நாவடக்கம் தேவை என கடுமையாக எச்சரித்தார்.