பாலிவுட் நடிகர் ரன்வீர் சிங் உடன் இணைகிறாரா இயக்குநர் சங்கர்..?

இயக்குநர் சங்கர் நடிகர் ராம் சரண் கொண்டு இயக்கும் படத்தில் பாலிவுட் நடிகர் ரன்வீர் சிங்-ம் நடிக்க உள்ளார் எனச் செய்திகள் பரவி வருகின்றன.

இயக்குநர் சங்கர் தமிழில் இந்தியன்- 2 படத்துக்கான பணிகளை கொரோனாவுக்கு முன்னர் தொடங்கி இருந்தார். ஆனால், கொரோனாவுக்குப் பின்னர் நாயகன் கமல்ஹாசனுக்கு காலில் ஆப்பரேஷன், தேர்தல் பணி எனத் தொடர்ந்து வேலை வந்துவிட்டது. இதனால், இந்தியன் 2 படத்துக்கான படப்பிடிப்பு தற்காலிகமாக நிறுத்தி வைக்கப்பட்டுள்ளது.

இதனால் தெலுங்கு முன்னணி நடிகர் ராம் சரண் கொண்டு ஒரு படம் இயக்க ஒப்பந்தம் ஆனார் சங்கர். ஆனால், சமீபத்தில் ரன்வீர் சிங் உடன் ஒரு சந்திப்பும் நிகழ்ந்துள்ளது. இதனால், ராம்சரண் படத்திலேயே மற்றொரு முக்கியக் கதாபாத்திரம் அல்லது வில்லன் ஆக ரன்வீர் சிங் நடிக்கலாம் எனத் தகவல் பரவி வருகிறது.

மற்றொரு புறம் ரன்வீர் சிங் இந்திய அளவில் ஒரு படத்தில் நடிக்க விரும்புவதாகவும் அதற்காக இயக்குநர் சங்கர் உடன் கலந்து ஆலோசித்ததாகவும் கூறப்படுகிறது. இதனால், இயக்குநர் சங்கர் தற்போது தெலுங்கு, பாலிவுட் என கவனம் செலுத்தத் தொடங்கிவிட்டார்.