இதற்காகவாது பிரியாதீர்கள்: மகன் யாத்ராவுடன் தனுஷின் புகைப்படம்!

மகன் யாத்ராவுடன் இருக்கும் புகைப்படத்தை நடிகர் தனுஷ் தனது இன்ஸ்டாகிராம் பக்கத்தில் பதிவு செய்துள்ள நிலையில் இவ்வளவு அன்பான அழகான மகனுக்காகவாவது நீங்கள் மனைவியை பிரிய வேண்டாம் என அவரது ரசிகர்கள் கோரிக்கை விடுத்து வருகின்றனர்.

நடிகர் தனுஷ் சமீபத்தில் தனது மனைவி ஐஸ்வர்யாவை பிரிய போவதாக அறிவித்திருந்தார். அதேபோல் ஐஸ்வர்யாவும் தனது கணவரை பிரிவதை உறுதி செய்திருந்தார். இந்த நிலையில் தனுஷ் மற்றும் ஐஸ்வர்யாவை மீண்டும் சேர்த்து வைக்க ரஜினிகாந்த் மற்றும் கஸ்தூரிராஜா குடும்பத்தினர் முயற்சி செய்து வருவதாகவும் கூறப்பட்டது. இந்த நிலையில் தனுஷ் மற்றும் ஐஸ்வர்யா ஆகிய இருவரும் தங்களுடைய இரண்டு மகன்களுக்காக ஒற்றுமையாக வாழவேண்டும் என்று ரசிகர்கள் கோரிக்கை விடுத்து வருகின்றனர்.

இந்த நிலையில் சற்று முன்னர் தனது இன்ஸ்டாகிராம் பக்கத்தில் மகன் யாத்ரா உடன் இருக்கும் புகைப்படத்தை பதிவு செய்து இதற்கு முன் நான் இதை எங்கே பார்த்திருப்பேன் என்று கேள்விக்குறியுடன் கூறியுள்ளார்.

இந்த புகைப்படத்தை பார்த்த நெட்டிசன்கள் மற்றும் அவரது ரசிகர்கள் இவ்வளவு அழகான அன்பான மகனை விட்டுவிட்டு நீங்கள் பிரியவா போகிறீர்களா தயவுசெய்து மகன்களையும் மனைவியையும் பிரிய வேண்டாம் என்று கோரிக்கை விடுத்து வருகின்றனர்.