வேலைவாய்ப்பு
பெண் காவலர்களுக்கு முதலமைச்சர் மு.க.ஸ்டாலின் வழங்கிய முக்கிய சலுகை — பணியிட மாறுதல் அனுமதி!
பெண் காவலர்களுக்கு முதலமைச்சர் மு.க.ஸ்டாலினின் மகிழ்ச்சி செய்தி!
மகப்பேறு விடுப்பு முடிந்து திரும்பும் பெண் காவலர்களுக்கு, அவர்கள் விரும்பும் மாவட்டங்களில் பணியிட மாறுதல் வழங்கப்படுமென முதலமைச்சர் மு.க.ஸ்டாலின் அதிகாரப்பூர்வமாக அறிவித்துள்ளார்.
மகப்பேறு விடுப்புக்கு சென்ற பின்பு பணிக்கு திரும்பும் பெண் காவலர்களுக்கு பணியிட மாறுதல் வழங்கப்படாததால் அவர்கள் கடும் சிரமங்களை சந்தித்து வந்தனர்.
இந்த பிரச்சினை தற்போது தீர்வுக்கு வந்துள்ளது. தமிழக அரசு வெளியிட்ட அறிவிப்பின்படி, மொத்தமாக 209 பெண் காவலர்களுக்கு அவர்கள் கேட்டுக் கொண்ட மாறுதல் வழங்கப்பட்டுள்ளது.
03.06.2025 வரை மாறுதல் கோரி விண்ணப்பித்த பெண் காவலர்களுக்கு, அவர்கள் வேண்டிய மற்றொரு மாநகரம் மற்றும் மாவட்டங்களில் பணியிட மாறுதல் வழங்கப்பட்டுள்ளது என தமிழகம் அரசு தெரிவித்துள்ளது.
