கமல்ஹாசனுக்காக பிரச்சாரம் செய்யும் பிக்பாஸ் பிரபலம்!

கமலஹாசன் இதுவரை பிக்பாஸ் நிகழ்ச்சியை 4 சீசன்களை நடத்தி உள்ளார் என்றும் இந்த நான்கு சீசன்களில் சேர்ந்து கிட்டத்தட்ட நூறு போட்டியாளர்கள் இருந்தனர் என்பதும் குறிப்பிடத்தக்கது. ஆனால் இவர்களில் ஒருவர் கூட கமல்ஹாசனுக்காக தேர்தல் பிரசாரம் செய்யவில்லை என்பது துரதிஷ்டமான ஒன்றாகும்.

அதேபோல் கடந்த 50 ஆண்டுகளுக்கும் மேலாக திரையுலகில் கமல்ஹாசன் பல சாதனைகள் புரிந்துள்ளார். இதனை அடுத்து ஒரு திரை உலக பிரபலம் கூட கமல்ஹாசனுக்கு ஆதரவாக தேர்தல் பிரச்சாரத்திற்கு வரவில்லை என்பது மட்டுமன்றி குறைந்தபட்சம் டுவிட்டரில் கூட கமல்ஹாசனுக்கு ஆதரவு தெரிவிக்கவில்லை என்பது குறிப்பிடத்தக்கது.

இந்த நிலையில் அத்தி பூத்தார் போல ஒரே ஒரு பிக்பாஸ் பிரபலம் மட்டும் கமல்ஹாசனுக்கு ஆதரவாக பிரச்சாரம் செய்து வருகிறார். அவர் தான் சுரேஷ் சக்கரவர்த்தி. கமல்ஹாசனின் நீண்டகால நண்பரான இவர் கமலஹாசன் போட்டியிடும் கோவை தெற்கு தொகுதியில் வீதி வீதியாக சென்று பிரசாரம் செய்து வருகிறார். டார்ச் லைட்டை கையில் வைத்துக்கொண்டு அவர் நடந்தே பிரச்சாரம் செய்து வருவது அந்த பகுதியினர் கவர்ந்துள்ளது.