வணிகம்
செப்டம்பர் 1, 2025 முதல் அமலுக்கு வரும் முக்கிய விதி மாற்றங்கள் – மக்களுக்கு தெரிய வேண்டிய தகவல்கள்!
செப்டம்பர் 1, 2025 முதல் பல முக்கிய விதிகளில் மாற்றங்கள் நடைமுறைக்கு வரவுள்ளன. இவை பொதுமக்களின் நிதி நிலை மற்றும் அன்றாட வாழ்க்கையில் நேரடி தாக்கத்தை ஏற்படுத்தும்.
LPG சிலிண்டர் விலை மாற்றம்: ஒவ்வொரு மாத தொடக்கத்திலும் LPG விலையில் மாற்றம் நடைபெறும். ஆகஸ்டில் வணிக LPG விலை குறைக்கப்பட்டது. செப்டம்பர் 1 முதல் வீட்டு உபயோக LPG சிலிண்டரின் விலை குறைய வாய்ப்பு உள்ளது.
SBI கார்டு விதிமாற்றம்: செப்டம்பர் 1 முதல் சில பரிவர்த்தனைகளுக்கு வெகுமதி புள்ளிகள் வழங்கப்படாது. மேலும், CPP வாடிக்கையாளர்களுக்கான விதிகள் செப்டம்பர் 16 முதல் மாறுகின்றன.
இந்தியா போஸ்ட் மாற்றம்: பதிவு தபால் (Registered Post) இனி ஸ்பீட் போஸ்ட் சேவையுடன் இணைக்கப்படும். செப்டம்பர் 1 முதல் அனுப்பப்படும் பதிவு தபால்கள் நேரடியாக ஸ்பீட் போஸ்ட்டாக அனுப்பப்படும்.
வருமானவரி தாக்கல் அவகாசம்: 2025-26 மதிப்பீட்டு ஆண்டிற்கான வருமான வரி தாக்கலுக்கான அவகாசம் செப்டம்பர் 15 வரை நீட்டிக்கப்பட்டுள்ளது.
ஓய்வூதியத் திட்ட மாற்றம்: UPS (Unified Pension Scheme) -க்கு மத்திய அரசு ஊழியர்கள் செப்டம்பர் 30க்குள் விண்ணப்பிக்கலாம். ஆனால் இது ஒருமுறை மட்டுமே செய்யக்கூடிய விருப்பம்.
ஜன் தன் கணக்கு re-KYC: வங்கிகள் அனுப்பும் re-KYC அறிவிப்புகளை புறக்கணிக்கக் கூடாது. இல்லையெனில் உங்கள் கணக்கு முடக்கப்படும் அபாயம் உள்ளது.
CNG மற்றும் PNG விலை: மாத தொடக்கத்திலேயே இயற்கை எரிவாயு விலைகள் மாற்றப்படலாம். செப்டம்பரில் மாற்றம் ஏற்பட வாய்ப்பு உள்ளது.
வெள்ளி நகைகள் ஹால்மார்க்: அரசு செப்டம்பர் 1 முதல் வெள்ளி நகைகளுக்கு ஹால்மார்க்கிங் விதியை அறிமுகப்படுத்தலாம். ஆரம்பத்தில் இது கட்டாயம் அல்ல.
ஜிஎஸ்டி கவுன்சில் கூட்டம்: செப்டம்பர் 3, 4 தேதிகளில் ஜிஎஸ்டி கவுன்சில் கூட்டம் நடைபெறுகிறது. இதன் பிறகு வரி விகிதங்களில் மாற்றங்கள் ஏற்படும்.
8வது ஊதியக்குழு: செப்டம்பர் மாதத்தில் 8வது ஊதியக்குழுவின் தலைவர் மற்றும் உறுப்பினர்கள் நியமிக்கப்படுவர். பின்னர் ToR பரிந்துரைகளும் இறுதி செய்யப்படும்.
